Бөтенроссия һәм республика мәктәп укучылары олимпиадаларының муниципаль этабы старт алды

Ул 21 нче декабрьгә кадәр дәвам итәчәк

Фото: Денис Гордийко

(Казан шәһәре KZN.RU, 9 нчы ноябрь). Казанда бөтенроссия һәм республика мәктәп укучылары олимпиадаларының муниципаль этабы старт алды. Алдагы мәктәп этабы 74 меңгә якын баланы берләштерде, шуларның 16 меңе киләсе этапка үтте.

Тема буенча материаллар:

ТР башкаласыннан лицей укучысы программалаштыру буенча бөтенроссия олимпиадасында бронза алды

Әйтик, бүген Идел буе районының 40 нчы гимназиясендә тарих буенча олимпиадада 135 укучы катнашты. Җиденче сыйныф укучылары өчен биремнәрне үтәүгә – ике сәгать, өлкәнрәк укучылар өчен өч сәгать бүлеп бирелгән.

Муниципаль этап 21 нче декабрьгә кадәр дәвам итәчәк. Мәктәп укучыларына сайлап алу өчен бөтенроссия исемлегендәге 24 фән һәм республика исемлегендәге 15 фән тәкъдим ителгән. Быел сынаулар офлайн узачак, ә информатиканы балалар онлайн-форматта язачак, дип хәбәр итә шәһәр Башкарма комитетының Мәгариф идарәсе.

Күптән түгел ТР башкаласында 2023 елда бөтенроссия һәм республика олимпиадаларында җиңүчеләрне һәм призерларны әзерләгән укытучыларга һәм өстәмә белем бирү педагогларына акчалата бүләкләү күләме расланды. Түләү бер тапкыр бирелә һәм укучының иң югары нәтиҗәсе буенча билгеләнә.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар