Казан спортчысы ядрә белән ату буенча Россия чемпионатында алтын яулады

«Динамо» олимпия резервы спорт мәктәбе тәрбиячесе 137 көндәшен узды

Казан спортчысы Айгөл Хәбибуллина ядрә белән ату буенча Россия чемпионатында икенче тапкыр җиңү яулады. Үзенең осталыгын ул Олимпия күнегүендә «Винтовка пневматическая, 10 м, 60 ату», 137 көндәшен узып, күрсәтте.

Алтын өчен көрәштә (17:15 исәбе белән) Айгөл Хәбибуллина Владимир өлкәсеннән Мария Васильеваны узып китте. Өченче урынны һәм бронза медальне Красноярск өлкәсеннән Юлия Круглова яулады.

«Нәтиҗә белән бик канәгать. Гәрчә Айгөл өчен чемпионлыкны раслау мораль яктан катлаулырак иде. Әмма барысы да планлаштырганча уңышлы килеп чыкты. Ул әле ике тапкыр чемпион булганлыгын аңлап бетерми. Иртәгә безне тагын бер старт көтә», – дип сөйләде KZN.RU корреспондентына тренер Екатерина Лузганова. Пәнҗешәмбе көнне спортчыга катнаш парда чыгыш ясарга туры киләчәк.

Спортчы кыз «Динамо» республика олимпия резервы спорт мәктәбендә шөгыльләнә, дип хәбәр иттеләр матбугат хезмәтендә. Ул шулай ук Россия Кубогы этабында җиңү һәм Беларусь Республикасы Кубогы алтынына ия.

Ил чемпионаты бу көннәрдә Ижауда уза. Ул 6 февральгә кадәр дәвам итәчәк. Ярышларда 14 яшьтән өлкәнрәк, дисциплина буенча беренче разрядтан да ким булмаган квалификациясе булган спортчылар катнаша.

Шулай ук укыгыз

Барлык яңалыклар