Казан спортчысы Никита Шлейхер суга сикерү буенча Россия Кубогында алтын медаль яулады

Казан спортчысы Никита Шлейхер суга сикерү буенча Россия Кубогында алтын медаль яулады

<p> </p> <div class="detail-picture"> <img src="https://kzn.ru/upload/iblock/a53/yKx7YYC0vpY-870.jpg"> <p class="detail-picture__caption"> Фото: vk.com/rus_diving </p> </div> <p> (Казан шәһәре KZN.RU, 2 нче февраль). Казан спортчысы Никита Шлейхер суга сикерү буенча Россия Кубогында алтын медаль яулады. Кичә ул Олимпия уеннарының көмеш призеры, дөнья чемпионы Евгений Кузнецов белән бергә трамплиннан синхрон сикерүдә чыгыш ясады. </p> <p> Ярышлар нәтиҗәләре буенча спортчылар 435,72 балл җыйдылар һәм хисап буенча янәшәдәге көндәшләрен 36,21 очкога уздылар, дип хәбәр итә Россия суга сикерү федерациясе. Бу Никита Шлейхерның Пензада узган турнирда яулаган икенче медале булды. </p> <p> Казанда Никита Шлейхер «Синтез» спорт клубында шөгыльләнә. Профессиональ карьерасында ул ике тапкыр Европа чемпионы булган. </p> <p> Исегезгә төшерәбез, ярышлар Пензада 30 нчы гыйнвардан 3 нче февральгә кадәр «Буртасы» спорт сараенда уза. Ярышлар илнең иң көчле атлетларын, шул исәптән Олимпия уеннары призерларын һәм Европа чемпионнарын берләштерде. </p>

2023-02-02T17:20:00+0300