Белгечләр «Авангард» скверының торышын эксплуатацияләүнең беренче елыннан соң тикшерделәр

Белгечләр «Авангард» скверының торышын эксплуатацияләүнең беренче елыннан соң тикшерделәр

<div class="detail-picture"> <img src="https://kzn.ru/upload/iblock/786/photo1630563051-_1_1.jpg"> <p class="detail-picture__caption"> Фото: <span style="color: #8e8e8e;">Тышкы төзекләндерү комитеты</span> </p> </div> <p> <span style="color: #3d3d3d;">Казан «Авангард» скверында инспекция булды, белгечләр аны эксплуатацияләүнең беренче елыннан соң аның торышын бәяләделәр. Нәтиҗәдә кайбер кимчелекләр ачыкланды, һәм подрядчы оешмаларга аларны бетерү йөкләнде.</span> </p> <p> <span style="color: #3d3d3d;">Исегезгә төшерәбез, «Авангард» скверының бәйрәмчә ачылышы 2020 елның 1-нче сентябрендә Татарстан Президенты Рөстәм Миңнеханов һәм Казан Мэры Илсур Метшин катнашында </span><a href="https://kzn.ru/meriya/press-tsentr/novosti/i-metshin-o-novom-skvere-po-ul-avangardnaya-segodnya-yazyk-ne-povorachivaetsya-nazvat-eto-mesto-okra/" target="_blank"><span style="color: #0d5baa;">узды</span></a><span style="color: #3d3d3d;">. Чүп мәйданчыгы һәм стихияле парковка урынында 8137 кв.м мәйданлы төзекләндерелгән сквер барлыкка килде, аны Казан Мэриясе каршындагы иҗади төркем архитекторлары эшләде.</span> </p> <p> <span style="color: #3d3d3d;">Төгәл бер елдан тышкы төзекләндерү комитеты рәисе урынбасары Альберт Шәйнуров подрядчы оешмалар вәкилләре белән берлектә скверның торышын тикшерде. Гарантияле хезмәт күрсәтү кысаларында подрядчыларга беренче берничә ел дәвамында иҗтимагый киңлекне төзекләндерү буенча йөкләмәләр йөкләнә.</span> </p> <p> <span style="color: #3d3d3d;">Тикшерү барышында объект территориясендә кайбер җитешсезлекләр ачыкланган, ә нәкъ менә Авангард урамы ягыннан керү юлында яктыртуның дүрт терәге эшләми, кайбер участокларда сәхнәләрнең буявы купкан һәм кабат буяуны таләп итә. Барабан рәвешендәге җиһазлар ватылган – капламы чатнаган, агач элементлары төшкән, алардан берсенең конструкциясе бик начар беркетелгән. Таулар белән уен комплексында өчпочмаклы күчешләрнең берсенең беркетмәсе өзелгән, ә челтәр рәвешендәге конструкцияләрдә арканнар тузган һәм тиздән өзелергә мөмкин. Моннан тыш, бер тренажерда эретеп ябыштырылган җөй аерылган, ә памп-трекның ян өлешләрендә газон өслеге юк.</span> </p> <p> <span style="color: #3d3d3d;">Барлык дәгъвалар подрядчы оешмаларга алга таба бетерү өчен тапшырылган. Ләкин барлык элементларны да торгызырга мөмкин түгел, мәсәлән, барабаннарга вандаллар гамәлләре нәтиҗәсендә зыян килгән, һәм хәзер җиһазларны тулысынча алыштыру таләп ителә.</span> </p> <p> <span style="color: #3d3d3d;">Белгечләр билгеләп үткәнчә, теләсә нинди конструкцияләрне куллану игътибарлы һәм җаваплы мөнәсәбәт таләп итә. Куркыныч хәлләрне булдырмас өчен кечкенә балаларга өлкәннәр күзәтүе астында гына уйнарга кирәк, дип хәбәр иттеләр Тышкы төзекләндерү комитетында. </span> </p> <p> <span style="color: #3d3d3d;"> </span> </p>

2021-09-02T10:27:57+0300