В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
23.11.2023, 16:02
«Метроэлектротранс» МУП белгечләре ике көн эчендә 130 километрдан артык юлны кардан һәм боздан чистарттылар
Җыештыру шулай ук ике троллейбус һәм бер трамвай депосы территориясендә үткәрелгән
Фото: Денис Гордийко
(Казан шәһәре KZN.RU, 23 нче ноябрь). «Метроэлектротранс» МУП җир өсте электр транспорты хезмәте ике көндә 130 км юлны, 30 уклы күчерүне, 49 һава угын һәм алты борылыш элмәген кардан һәм боздан чистарткан.
Җыештыру ике троллейбус һәм бер трамвай депосы территориясендә дә үткәрелгән. Моның өчен дүрт кар чистарту вагоны һәм алты берәмлек махсус техника – тракторлар, фронталь йөк төягечләр һәм үзбушаткычлар җәлеп ителгән.
Тәүлек әйләнәсе юл хуҗалыгы хезмәтенең өч авария бригадасы һәм җир өсте транспорты энергия хуҗалыгының ике авария бригадасы эшли. «Көчле кар яву җир өсте электр транспорты эшенә тәэсир итмәде – хәрәкәттә тоткарлыклар булмады», - дип хәбәр итә предприятиенең матбугат хезмәте.
Исегезгә төшерәбез, сишәмбе көнне Татарстанда давыл турында кисәтү игълан ителде. Синоптиклар буран, бозлы яңгыр һәм секундына 15-18 метрга кадәр көчле җил фаразлаган иде.
Шулай ук укыгыз
-
25.07.2025, 16:54 -
25.07.2025, 16:19 -
25.07.2025, 14:57 -
25.07.2025, 13:54