Г.Камал ис. театр спектакле “Алтын битлек” номинациясенә билгеләнгән

Г.Камал ис. театр спектакле “Алтын битлек” номинациясенә билгеләнгән

<p> (Казан шәһәре KZN.RU, 1-нче ноябрь). Г.Камал ис. Татар дәүләт академия театрының “Тормышмы бу?” спектакле “Алтын битлек” милли театраль премиясе номинанты. Айдар Җаббаров сәхнәләштергән спектакль Гаяз Исхакый әсәрләренә нигезләнә.<br> </p> <p> Бу Г.Камал ис. театр өчен шундый зур формада беренче номинация. Ул 2017/2018 сезонында “Алтын битлек” премиясендә Татарстан Республикасын тәкъдим иткән бердән-бер спектакль. Спектакль илнең төп театраль премиясенә 6 номинациядә җиңүгә дәгъвә итә: “Зур формадагы иң яхшы спектакль”, “Иң яхшы режиссер эше” (Айдар Җаббаров), “Икенче пландагы иң яхшы хатын-кыз роле” (Ләйсән Рәхимова), “Иң яхшы ир-ат роле” (Искәндәр Хәйруллин), “Рәссам эше” (Булат Ибраһимов), “Ут буенча рәссам эше” (Ольга Окулова), дип хәбәр итә ТР Мәдәният министрлыгы. </p> <p> Җиңүчеләргә премия 2019 елның апрелендә биреләчәк. </p>

2018-11-01T12:05:35+0300