Совет мультфильмнарын бүген «Елмай» балалар паркында күрсәтәчәкләр

Кино кичәсе композитор София Гобәйдуллина истәлегенә багышлана

Бүген «Елмай» балалар паркы сәхнәсендә композитор София Гобәйдуллина истәлегенә кинокүрсәтү булачак. Шәһәр халкына музыкасын РСФСРның атказанган сәнгать эшлеклесе язган мультфильмнарны тәкъдим итәчәкләр.

Зур экранда тамашачылар «Маугли», «Человек и его птица» һәм «Кошка, которая гуляла сама по себе» кебек мультфильмнарны карый алачак. Кино күрсәтү 17:00 дән 20:00 гә кадәр дәвам итәчәк, дип хәбәр иттеләр Парклар һәм скверлар дирекциясендә.

Элегрәк хәбәр ителгәнчә, Казан мэриясе һәм шәхсән Илсур Метшин Казанның Мактаулы гражданины, РСФСРның атказанган сәнгать эшлеклесе, композитор София Әсгать кызы Гобәйдуллинаның туганнары һәм якыннарының югалту кайгысын уртаклаша.

Исегезгә төшерәбез, республикада иң зур «Елмай» балалар паркы Казансу яр буенда узган ел ачылды. Җәмәгать киңлеге искиткеч балалар мәйданчыгыннан, күшәкләрдән, күзәтү мәйданчыгы булган яшел лабиринттан һәм вакыйгалар зонасыннан тора.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар