БРИКС илләре спортчылары ярышларын Татарстан башкаласында уздырырга тәкъдим иттеләр

БРИКС илләре спортчылары ярышларын Татарстан башкаласында уздырырга тәкъдим иттеләр

<p> БРИКС илләренең сәламәтлек мөмкинлекләре чикләнгән спортчылар ярышларын РФ Дәүләт Думасына Татарстаннан депутат Илья Вольфсон Казанда оештырырга һәм уздырырга тәкъдим итте. Бу хакта илнең вице-премьеры Дмитрий Чернышенкога җибәрелгән рәсми хатта әйтелә. </p> <p> «Хәзерге вакытта Россия Спорт министрлыгы илнең Паралимпия комитеты һәм башка кызыксынган оешмалар белән берлектә партнерлар ризалыгы очрагында 2025 елда Бразилия Федератив Республикасында узачак якындагы очрашуда әлеге мәсьәләне фикер алышуга кертү өчен БРИКС илләре параспортчылары ярышларын оештыру мөмкинлеге турында мәсьәлә карала», – диелгән депутатка җавап хатында. </p> <p> Элегрәк Казандагы БРИКС спорт уеннарына йомгак ясаганда спорт министрлары спорт хезмәттәшлегенең кысалы программасы проекты өстендә эшне дәвам итү һәм 2025 елда берләшмәдә ил рәислеге кысаларында Бразилиядә очрашу уздыру турында карар кабул иткәннәр иде. </p> <p> Илья Вольфсон искә төшергәнчә, Татарстан башкаласында 2018 елда Футбол буенча дөнья чемпионаты, 2015 елда спортның Су төрләре буенча дөнья чемпионаты һәм 2013 елда Универсиада уздырылган. Узган елның гыйнварында Казанда Бердәм махсус Олимпиада уеннары ярышлары узды. </p>

2024-10-21T11:35:00+0300