Узган атнада Казанның ашыгыч ярдәм хезмәте бала табу очракларына 67 тапкыр чыкты

17-23-нче февральдә медицина хезмәтенә шәһәр халкыннан 8,5 меңнән артык шалтырату килгән.

(Казан шәһәре KZN.RU, 25-нче февраль). Узган атна дәвамында, 17-23-нче февральдә, Казанның ашыгыч медицина ярдәме 8564 чакыру үтәде, шуларның 1254-е - җәмәгать урыннарына.

Иң күп чакырулар (6830) төрле авырулар буенча башкарылды. Шулардан 175 чыгуга - баш мие кан әйләнешенең көчле бозылулары, ә 48 чакыруга көчле миокард инфарктлары сәбәп булды. Бала табу очракларына табиблар 67 тапкыр чыктылар.

Бәхетсезлек очракларына табибларны 870 тапкыр чакырттылар, шуларның 50-се юл-транспорт һәлакәте урыннарыннан килде. Аварияләрдә 51 кеше зыян күрде, хастаханәләргә 34 зыян күрүче китерелде, 2 кеше һәлак булды. Моннан тыш, ашыгыч ярдәм 7 чакыруны янгын булган урыннарга үтәде, зыян күрүчеләр юк, дип хәбәр иттеләр Казанның «Ашыгыч медицина ярдәме станциясе» дәүләт автоном сәламәтлек саклау учреждениесендә.

Шулай ук укыгыз

Барлык яңалыклар