Узган атнада Казанның ашыгыч ярдәм хезмәте бала табу очракларына 60 тапкыр чыккан

23-нче декабрьдән 29-нчы декабрьгә кадәр медицина хезмәтенә халыктан барлыгы 8 меңнән артык шалтырату килгән.

(Казан шәһәре KZN.RU, 30-нчы декабрь). Узган атна эчендә, 23-нче декабрьдән 29-нчы декабрьгә кадәр, Казанның ашыгыч медицина ярдәме 8318 чакыру үтәде, шул исәптән 1342 чакыру - җәмәгать урыннарына.

Иң күп чакырулар, 6655, төрле авырулар буенча башкарылды. 168 чакыруга баш мие кан әйләнешенең кискен бозылулары, ә 38 чыгуга – көчле миокард инфарктлары сәбәп булды. Бала табу очракларына табиблар 60 тапкыр чыктылар.

Бәхетсезлек очракларына табибларны 882 тапкыр чакырдылар, шуларның 48-е юл-транспорт һәлакәте урыннарыннан килде. Аварияләрдә 44 кеше зыян күрде, хастаханәләргә 25 зыян күрүче озатылды, 2 кеше һәлак булды. Моннан тыш, 19 чакыруны ашыгыч ярдәм янгын урыннарына үтәде, аларда бер кеше зыян күрде, дип хәбәр иттеләр «Ашыгыч медицина ярдәме станциясе» дәүләт автоном сәламәтлек саклау оешмасында.

Шулай ук укыгыз

Барлык яңалыклар