Синоптиклар Казанда 35 градуслы эссе фаразлый

ТР башкаласында кыска вакытлы яшенле яңгырлар булырга мөмкин

Фото: Денис Гордийко

(Казан шәһәре KZN.RU, 28 нче июль). Казанда 29 нчы июльдә алмашынучан болытлы һава торышы булачак, урыны белән кыска вакытлы яшенле яңгырлар яварга мөмкин. Көньяк-көнчыгыш җиле секундына 6-11 метрга кадәр җитәчәк, яшен вакытында секундына 15-20 метр булачак. Төнлә һава температурасы +18..+20 градус тәшкил итәчәк, көндез +33..+35 градуска кадәр кызу булачак.

Татарстанда 29 нчы июльдә яшенле яңгырлар булачак. Кыска вакытлы җил фаразлана, боз яварга мөмкин. Температура күтәреләчәк һәм төнлә +15..+22 градус тәшкил итәчәк, көндез термометр баганалары +31..+36 градус күрсәтәчәк.

Якшәмбе көнне республика актив атмосфера фронты йогынтысына эләгәчәк. Синоптиклар районнарда яңгыр көтелә, урыны белән көчле үк булуачак, дип җиткерә. Яшен, боз һәм җил секундына 17-22 метрга кадәр көчәячәк. Төнлә +17..+22 градус булачак. Көндез төбәкнең көнбатышында температура +26..+31 градус тәшкил итәчәк, көнчыгышта +35 градуска кадәр температура сакланачак.

Киләсе атна башында Татарстанда яңгыр һәм яшен белән тотрыксыз һава торышы фаразлана. Көндез термометр баганалары +24..+29 градуска кадәр күтәреләчәк, көнчыгышта +33 градуска кадәр җитәчәк, дип хәбәр иттеләр ТР Гидрометүзәгендә.

Шулай ук укыгыз

Барлык яңалыклар