Синоптиклар Татарстанда атна ахырында юеш кар фаразлый

Синоптиклар Татарстанда атна ахырында юеш кар фаразлый

<p> Якын көннәрдә татарстанлыларны болытлы һәм җилле, кайбер районнарда томанлы һава торышы көтә. Температура төшә башлаячак, юеш кар явуы ихтимал. Бу хакта республиканың Гидрометеорология үзәге кисәтә. </p> <p> Иртәгә ТР башкаласында синоптиклар алмашынучан болытлы һава вәгъдә итә, кайбер районнарда томан булачак. Төн явым-төшемсез узачак. Термометр баганалары +3..+5 градус күрсәтәчәк. Җил төньяктан, секундына 5-10 метрга кадәр җитә. Көндез урыны белән бераз яңгыр көтелә, +11..+13 градуска кадәр җылыта. Җил – көньяк-көнбатыштан,тизлеге секундына 5-10 метрга кадәр, урыны белән 14 метрга кадәр җитә. </p> <p> Сишәмбе көнне, 22 октябрьдә, республикада аязучан болытлы, кайбер районнарда төнлә һәм иртән томанлы һава көтелә. Көндез урыны белән бераз яңгыр явачак, җил секундына 15 метрга кадәр көчәячәк. Төнге температура 0..+5 градус булачак, ә көндез +9..+14 градуска кадәр күтәреләчәк. </p> <p> 23 октябрьдә урыны белән бераз яңгыр явачак. Төнлә температура +3..+8 градус, ә көндез +8..+13 градус булачак. </p> <p> Пәнҗешәмбе көнне, 24 октябрьдә, Татарстан территориясе атмосфера фронтлары зонасында булачак – бөтен җирдә яңгырлар явачак. Көнбатыштан көчле җил, аның тизлеге секундына 15-18 метрга кадәр җитәр, дип фаразлана. Төнлә температура +3..+8 градуслар чигендә, көндез +6 дан +11 градуска кадәр җылы булачак. </p> <p> ТР Гидрометеорология үзәге фаразлавынча, 25 һәм 26 октябрьдә яңгыр, урыны белән юеш кар явачак. Төнлә 0..+5 градуска кадәр суыта, ә көндез термометр баганалары +2..+7 градуска кадәр күтәреләчәк. </p> <p>   </p>

2024-10-21T16:24:32+0300