Синоптиклар Татарстанда һәм аның башкаласында көчле җил булачагын фаразлый

<h1></h1> <div> </div> <img src="https://kzn.ru/upload/iblock/f84/DEN_1229.jpg"> <div class="detail-picture"> <p class="detail-picture__caption"> Фото: Денис Гордийко </p> </div> <p> (Казан шәһәре KZN.RU, 17 нче февраль). Татарстанда һәм аның башкаласында көньяктан көчле җил көтелә, көчәйгәндә секундына 15-17 метрга, көндез 16-21 метрга кадәр җитәчәк. Начар һава шартлары 17 нче февральнең 18:00 сәгатеннән 18 нче февральнең 18:00 сәгатенә кадәр сакланыр дип фаразлана. </p> <p> 18 нче февральгә каршы төндә Казанда - 5 тән -7 градуска кадәр булачак, көндез һава температурасы 0 дән - 2 градус аралыгында тибрәнәчәк. Урыны белән бераз кар ява, юлларда бозлавык булырга мөмкин. </p> <p> Гомумән алганда, Татарстанда төнлә явым-төшемсез булачак. Көндез көнбатыш районнарда бераз кар ява. Төнлә һаваның иң түбән температурасы - 4 тән - 9 градуска кадәр, аязган вакытта минус 14 градуска кадәр җитәчәк. Көндез һаваның иң югары температурасы 0 дән - 5 градуска кадәр тәшкил итәчәк. Юлларда бозлавык саклана, дип хәбәр итә ТР Гидрометеорология һәм әйләнә-тирә мохитне күзәтү идарәсе. </p> <p> Россия Гадәттән тыш хәлләр министрлыгының Татарстан Республикасы буенча баш идарәсе бик көчле җил булганда биналардан чыкмаска <a href="https://16.mchs.gov.ru/deyatelnost/press-centr/operativnaya-informaciya/4682009" target="_blank">киңәш итә.</a> Машина йөртүчеләргә, бигрәк тә ерак араларга барырга планлаштыручыларга, машинаның техник торышына аеруча игътибар итәргә кирәк. Ягулыкны тикшерелгән автозаправка станцияләрендә салу мөһим. Алдан ук җылы әйберләр һәм продуктлар тупларга, үзең белән мобиль телефон өчен зарядка җайланмасы алырга кирәк. </p>

2022-02-17T16:18:30+0300