Синоптиклар казанлыларны һава шартларының начараюы турында кисәтә

Көндез шәһәрдә һава 26 градуска кадәр җылыначак.

Фото: Денис Гордийко

(Казан шәһәре KZN.RU, 9-нчы июнь). Синоптиклар казанлыларга җилнең тизлеге кыска вакытлы секундына 15-18 метрга кадәр көчәюе белән яшен фаразлый. Төнлә, 10-нчы июнь кичендә һәм көндез Татарстан һәм Казан территориясендә секундына 15-18 метр тизлектә кыска вакытлы җил көчәюе күзәтелә.

Төнлә шәһәрдә 13-15 градус җылы, көндез – 24-26 градус нульдән югары. Гомумән алганда, төнлә һава температурасы +11...+16 градус, көндез +23...+28 градус булачак, дип хәбәр итә ТР Гидрометеорология һәм әйләнә-тирә мохитне күзәтү идарәсе.

Россия Гражданнар оборонасы эшләре, гадәттән тыш хәлләр һәм бәла-каза нәтиҗәләрен бетерү министрлыгының ТР буенча Баш идарәсе җил көчәйгәндә урамга чыгудан тыелырга, биналарда булырга һәм балаларны караусыз калдырмаска киңәш итә. Көчле җилдән өй түбәләре астына качарга кирәкми, чөнки шиферның һәм башка япма материалларның төшүе мөмкин. Бу тәкъдим җәмәгать транспорты тукталышларына, төзелеп бетмәгән биналарга да кагыла.

Урамда реклама щитлары, элмәләр, юл билгеләре, электр тапшыру линияләре, эре агачлар янында булырга, алар белән янәшә автотранспортны куймаска кирәк. Көчле җил вакытында электр тапшыру линиясе астында басып, өзелгән электр үткәргечләренә якын килү куркыныч. Йортларның барлык тәрәзәләрен дә тыгыз итеп ябарга, балконнардан тышкы якка төшеп ктергә мөмкин булган әйберләрне алып куярга.

Янгыр вакытында машина йөртүчеләргә бик игътибарлы булырга кирәк, ерак араларга йөрүдән баш тартырга кирәк. Җәяүлеләргә автотрассалар аша чыкканда һәм алар янында булганда аеруча сак булырга кирәк.

Шулай ук укыгыз

Барлык яңалыклар