Синоптиклар татарстанлыларны 22 июльдә һава торышының начараюы турында кисәтә

Республикада һәм аның башкаласында яңгыр, яшен, җил, урыны белән боз явуы фаразлана.

Фото: Денис Гордийко

(Казан шәһәре KZN.RU, 21-нче июль). 22-нче июльдә Татарстанда һәм аның башкаласында һава шартларының начарлануы көтелә. Республикада яңгыр, яшен, төньяктан исүче җил, урыны-урыны белән секундына 15-20 метрга кадәр көчле җил, урыны белән боз булыр дип фаразлана. Начар һава шартлары көндез һәм кич белән пәнҗешәмбе көнне сакланачак.

Синоптиклар мәгълүматларына караганда, төнлә республикада һаваның минималь температурасы 14-19 градус җылы, Казанда – 17-19 градус җылы. 22-нче июль көндез Татарстан буенча +20...+25 градус, көнчыгышта +30 градус булачак. ТР башкаласында һава +22-24 градуска кадәр җылыначак.

Россия Гадәттән тыш хәлләр министрлыгының Татарстан буенча Баш идарәсендә яшен һәм давыллы җил вакытында бинадан чыгуны чикләргә, балаларны күзәтүсез калдырмаска кирәк, дип искә төшерә. Бик көчле җил булганда урамда җир асты кичүләрендә яки биналарның подъездларында яшеренергә кирәк. Көчле җилдән йортларның стеналары, тукталышлар һәм төзелеп бетмәгән биналар янында яшеренергә ярамый, чөнки түбәләрдән шифер һәм башка түбә ябу материаллары төшүе ихтимал.

Урамда реклама щитларыннан, элмә такталардан, юл билгеләреннән, электр тапшыру линияләреннән ераграк торырга кирәк. Зур агачлар янында булырга, шулай ук алар янында автотранспорт куярга ярамый – җил өзгән ботаклар зур куркыныч тудыра ала. Көчле җил вакытында электр тапшыру линиясе астында басып, өзелгән электр үткәргечләренә якын килү куркыныч.

Җәяүлеләргә яшен вакытында, автотрассалар аша чыкканда һәм алар янында булганда, югары саклык кирәк. Машина йөртүчеләргә йөрүләрдән баш тартырга киңәш итәләр, чөнки электроника эшендә өзеклекләр булырга мөмкин. Велосипедчыларга шулай ук яшен узганын велосипедтан якынча 30 метр ераклыкта көтәргә кирәк.

Якындагы тәүлектә шәһәр халкын ерак араларга сәфәрләрдән баш тартырга чакыралар. Һәлакәт булган очракта ашыгыч хезмәтләрне бердәм чакыру номерына – «112» мөрәҗәгать итәргә, шулай ук +7(843)288-46-96 номеры буенча Россия гадәттән тыш хәлләр министрлыгының ТР буенча Баш идарәсенең ышаныч телефонына шалтыратырга мөмкин.

Шулай ук укыгыз

Барлык яңалыклар