В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
28.07.2020, 14:14
Синоптиклар казанлыларга яңгырлы һава торышы вәгъдә итә
29-нчы июль көндез Татарстан Республикасы башкаласында +28 градус булыр, дип фаразлана.
(Казан шәһәре KZN.RU, 28-нче июль). 29-нчы июльдә Татарстанда һәм аның башкаласында алмашынучан болытлы һава торышы булачак. Бүген төнлә явым-төшемсез, көндез кыска вакытлы яшенле яңгыр явачак. Төнлә һәм иртән аерым районнарда томан булачак. Җил көнбатыштан, көньяк-көнбатыштан уртача, яшен вакытында тизлеге секундына 15-20 метрга кадәр көчәергә мөмкин.
Бүген төнлә республикада +11-дән +16 градуска кадәр, 29-нчы июль көндез +24-тән +29 градуска кадәр булыр, дип көтелә. Казанда чәршәмбегә каршы төндә 13-15 градус җылылык көтелә, көндез +26-дан +28 градуска кадәр булачак, дип хәбәр итә ТР Гидрометеорология һәм әйләнә-тирә мохитне күзәтү идарәсе.
Шулай ук укыгыз
-
23.07.2025, 17:46 -
23.07.2025, 17:27 -
23.07.2025, 17:11 -
23.07.2025, 16:48