Яңалыклар
25.07.2022, 15:58
Спортның ишкәкле төрләре буенча мәктәп Кабан күле яр буенда ачык презентация үткәрәчәк
Шәһәр халкы укыту программасы турында беләчәк, эллингларны карап чыгачак, тренировка базасы буенча йөриячәк һәм мастер-класста катнашачак.
Фото: Денис Гордийко
(Казан шәһәре KZN.RU, 25 нче июль). 28 нче июльдә Кабан күле яр буенда Спортның ишкәкле төрләре буенча мәктәпнең ачык презентациясе узачак. Чарада казанлылар ишкәк ишү нигезләре турында беләчәкләр һәм тренерларга үзләрен кызыксындырган сорауларны бирә алачаклар.
Презентация мәктәп җитәкчелеге тарафыннан яңа тыңлаучылар җыю башланыр алдыннан оештырылды. Учреждениедә 10 яшьтән алып 12 яшькә кадәрге балалар шөгыльләнә. Дәресләр бушлай үткәрелә.
Чара программасында – тренировкалар базасы буенча экскурсия, эллингларны карау, спорт разминкасы һәм мастер-класс. Керү – алдан теркәлү буенча.
Очрашу 16:00 сәгатьтә башлана, очрашу урыны – Һади Такташ урамы, 58 нче йорт. Презентациягә спорт киеменнән килергә киңәш ителә, дип хәбәр иттеләр Казанның парклар һәм скверлар дирекциясендә.
Шулай ук укыгыз
-
29.04.2025, 17:56 -
29.04.2025, 17:11 -
29.04.2025, 16:43 -
29.04.2025, 16:02
