Казанда Алинә Заһитова мәктәбе бер ел төзеләчәк

Бинада боз аренасы, хореография һәм тренировкалар өчен заллар ясау планлаштырыла

Фото: Марат Мөгыйнов

(Казан шәһәре KZN.RU, 21 нче декабрь). Казанда олимпия чемпионы Алинә Заһитованың фигуралы шуу мәктәбен төзү бер ел тирәсе вакыт алачак. Объект Порт урамында урнашачак. Бүген техник бирем формалаштырылган, дип хәбәр итте журналистларга ТР спорт министры Владимир Леонов.

Мәктәптә, боз аренасыннан тыш, хореография һәм күнегүләр өчен заллар, кафе, киенү бүлмәләре һәм матбугат конференцияләре өчен зал урнаштыру планлаштырыла. Проект эшләнгәндә шулай ук Алинә Заһитованың теләкләре дә исәпкә алына. Әмма, спикер сөйләгәнчә, бу вариант соңгысы түгел. Әлегә мәктәп җиһазлары турында якынча гына аңлау бар.

«Хәзер документлар әзерләү һәм проектлау мәсьәләсе алып барыла. Бу сорау тиз түгел, берничә айга сузылырга мөмкин. Идеаль раскладка булдырылганнан соң, төзелеш башланачак һәм киләсе елда тәмамланачак. Проектлау тәмамланганнан соң финанслау мәсьәләсе хәл ителәчәк», - дип ассызыклады Владимир Леонов.

Фигуралы шуу мәктәбен ачу турында килешүгә Петербург халыкара икътисадый форумы вакытында Алинә Заһитова белән ТР Президенты Рөстәм Миңнеханов очрашуында ирешелде.

Алинә Заһитова Россия фигуристкасы, ул хатын-кызлар ялгыз шуу буенча олимпия чемпионы (2018), Европа (2018) һәм дөнья (2019) чемпионнары титулына ия.

Шулай ук укыгыз

Барлык яңалыклар