Яңалыклар
12.03.2021, 17:05
Казанның алты музыка мәктәбе яңа пианинолы булды
Инструментлар «Мәдәният» милли проекты буенча бирелгән.
Фото: Денис Гордийко
(Казан шәһәре KZN.RU, 12-нче март). Казанның алты музыка мәктәбе өчен яңа пианино сатып алынган. Инструментлар «Мәдәни мохит» федераль проектының «Мәдәният» милли проекты кысаларында бирелде.1-нче, 2-нче, 3-нче, 4-нче, 14-нче һәм 18-нче номерлы музыка мәктәпләре 8 пианино алды.
Казан Башкарма комитетының мәдәният идарәсе матбугат хезмәте хәбәр итүләренчә, бу музыка мәктәпләренең матди-техник базасын беренче генә яңарту түгел. 2019 елда 18 пианино сатып алганнар. Шулай ук узган елда шәһәр җыелма симфоник джаз оркестрын җиһазландыру турында карар кабул ителде, ул Олег Лундстрем исемендәге 16-нчы номерлы балалар музыка мәктәбендә нигезләнә. Оркестр эшчәнлеген, уку процессын оештыру өчен җиһазлар, нота әдәбияты сатып алынды.
Татарстан сәнгать мәктәпләренә ел башыннан 15,68 млн сумлык 40 пианино бирелгән. Музыкаль инструментларны 30 учреждениегә тапшырганнар, дип хәбәр итә ТР Мәдәният министрлыгы матбугат хезмәте.
Исегезгә төшерәбез, быел «Мәдәният» милли проектын гамәлгә ашыру кысаларында 2-нче һәм 10-нчы номерлы балалар музыка мәктәпләренә комплекслы ремонт ясалачак.
Шулай ук укыгыз
-
29.04.2025, 17:56 -
29.04.2025, 17:11 -
29.04.2025, 16:43 -
29.04.2025, 16:02
