Сергей Кириенко Искәндәр Гыйниятуллинга РФ ТКХның мактаулы хезмәткәре билгесен тапшырды

Бүләкләү Мәскәү Кремленең Сенат сараенда узды.

Фото: vk.com/iskander_giniyatullin

(Казан шәһәре KZN.RU, 4 нче май). Казан Башкарма комитеты җитәкчесе урынбасары Искәндәр Гыйниятуллинны Россия торак-коммуналь хуҗалыгының мактаулы хезмәткәре билгесе белән бүләкләделәр. Бүләкне ил Президенты хакимиятенең беренче урынбасары Сергей Кириенко тапшырды. Тантана Мәскәү Кремленең Сенат сараенда узды.

«Бу бүләкне шәһәр Мэры Илсур Метшин ышанычыннан башка, Мэрия командасы тырышлыгыннан башка һәм яраткан Казан халкы ярдәменнән башка ала алмас идем. Тармак хезмәткәрләренең – идарәче оешмаларның, энергетикларның, коммуналь хезмәткәрләрнең, подрядчыларның уртак хезмәте өчен рәхмәт», – дип билгеләп үтте И.Гыйниятуллин.

Исегезгә төшерәбез, февраль аенда Казан Башкарма комитеты җитәкчесе урынбасары РФнең атказанган ТКХ хезмәткәре дигән мактаулы исем алды. Бүләк торак-коммуналь хуҗалык өлкәсендәге казанышлары һәм күпьеллык намуслы эше өчен бирелде.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар