Июль аенда Кабулханәнең ишек алдында гаилә киноларын һәм мультфильмнарны күрсәтәчәкләр

Июль аенда Кабулханәнең ишек алдында гаилә киноларын һәм мультфильмнарны күрсәтәчәкләр

<p> Июль аенда Казанда яшәүчеләр һәм аның кунаклары өчен ишегалларында ачык кинокүрсәтүләр узачак. </p> <p> <b>5 нче һәм 27 нче июльдә</b> тамашачыларга «Дозор Джунглей: Кругосветка» мультфильмы күрсәтеләчәк. Картина төрле кыргый хайваннар командасы турында сөйләячәк. Алар яңгырлар сезонына кадәр джунглины юк итүдән коткару өчен дөнья тирәли сәяхәткә китәчәк. </p> <p> <b>12 нче, 19 нчы һәм 26 нчы июльгә</b> «Әлдермештән Әлмәндәр» фильмын күрсәтү планлаштырыла. Сюжет буенча, бер авыл кешесе үлем ияләренең кагыйдәләрен бозып, тиешле сроктан артык яшәп ята. Аның янына Әҗәл командировкага китә, әмма Әлмәндәр карт аны алдый ала. </p> <p> <b>13 нче июльдә</b> «Я делаю шаг» картинасын күрсәтәчәкләр. Ул Мәскәүдә эшләргә хыялланган Саша Макарова турында сөйли, ләкин кайчандыр үзе укыган Псков мәктәбендә эшләргә мәҗбүр була. </p> <p> Ә <b>20 нче июльдә</b> «Катя-Катя» фильмы тамашачыларны 1942 елның язына алып кайтачак. Мәскәү укучысы Катя таныш булмаган хәрби-диңгез училищесы курсанты Костя белән языша. Фронтка озатканда аның эшелоны Мәскәү аша узарга тиеш, һәм аларның очрашырга өмете бар. Ә еллар узгач — безнең заманда — күп еллар элек башланган яшүсмерләр мәхәббәте кабатлана. </p> <p> Барлык сеанслар 20:30 сәгатьтә башлана. Җәдвалда һава шартларына бәйле рәвештә үзгәрешләр булырга мөмкин. Керү ирекле, дип хәбәр итә «Казан Кремле» музей-тыюлыгы матбугат хезмәте. </p>

2024-07-03T15:12:00+0300