Бүген Казан үзәгендә автомобильләр өчен хәрәкәт чикләнәчәк

Бу 80 нче юбилей җиңел атлетика эстафетасын үткәрү белән бәйле.

Фото: Денис Гордийко

(Казан шәһәре KZN.RU, 22 нче апрель). Бүген Казан үзәгендә автомобильләр хәрәкәте вакытлыча чикләнәчәк. Бу 80 нче юбилей җиңел атлетика эстафетасын үткәрү белән бәйле.

12:00 сәгатьтән 17:00 сәгатькә кадәр Кремль урамы буенча (Профессор Нужин урамыннан Беренче Май мәйданына кадәр участокта), шулай ук Шейнкман юлы буенча Казан Кремле территориясендә автотранспорт хәрәкәте тулысынча ябылачак.

Спорт чарасын оештыручы Физик культура һәм спорт комитетыннан хәбәр итүләренчә, хәрәкәтнең ике юнәлешендә дә эстафета уздыру урынына якын булган урамнар ябылачак:

Лобачевский урамы (Дзержинский урамыннан Кремль урамына кадәр);

Астрономия урамы (Профсоюз урамыннан Кремль урамына кадәр);

К.Нәҗми урамы (Дзержинский урамыннан Кремль урамына таба юнәлештә);

К.Нәҗми урамы (Рәхмәтуллин һәм К.Нәҗми урамнары киселешеннән Кремль урамына кадәр юнәлештә);

Муса Җәлил урамы (Профсоюз урамыннан Дзержинский урамына кадәр);

Чернышевский урамы (Профсоюз урамыннан Дзержинский урамына кадәр).

Җиңел атлетика эстафетасы Казанда җәйге спорт сезонын ачачак һәм кешенең космоска беренче тапкыр очуының 61 еллыгына багышланачак. Төрле дистанцияләргә йөгерүдә барлыгы 600 ләп кеше катнашачак.

Шулай ук укыгыз

Барлык яңалыклар