Бүген Казан урамнарын җыештырырга 401 берәмлек техника һәм 462 юл эшчесе чыкты

Узган тәүлек эчендә 15,9 мең тоннадан артык кар чыгарылган.

Фото: Марат Мугинов

(Казан шәһәре KZN.RU, 25 нче гыйнвар). Бүген көндез Казан урамнарын кардан чистартырга 462 юл эшчесе һәм 401 махсус техника чыкты, шул исәптән 55 катнаш юл машинасы, 71 трактор щеткасы, 130 үзбушаткыч, 82 фронталь төягеч, 35 «Барсик» минитөягече һәм башка техника.

Карны Айдаров, Академия, Актай, Әмирхан, Батурин, Батыршин, Бауман, Беломорск, Боевая, Бутлеров, Восстание, Галактионов, Гоголь, Горький, Губкин, Девятаев, Зорге, Карбышев, Качалов, Кремль, Кутуй, Литвинов, Лядов, Мәүлетов, Магистраль, Максимов, Мәрҗани, Мариуполь, Маршрут, Межлаук, Минск, Мир, Модель, Мәскәү, Назарбаев, Насыйри,Нигъмәтуллин, Нужин, Павлов, Париж Коммунасы, Парин, Петербург, Идел буе, Профсоюз, Пушкин, Сәетгалиев, Сәлимҗанов, Серов, Спартак, Такташ, Театр, Фукс, Фучик, Халезов, Чехов, Чуйков, Щапов урамнары, Җиңү һәм Ямашев проспектлары, Ирек, Ярминкә мәйданы, Оренбург тракты, Аракчино шоссесы, Коры елга бистәсе, шулай ук Грабарский микрорайоныннан һәм башка участоклардан чыгарачаклар.

Узган тәүлектә урамнардан 15 мең 945 тонна кар чыгарылган, ә кышкы сезон башыннан бирле – 520 мең 154 тонна кар, дип хәбәр иттеләр Казан Башкарма комитетының Тышкы төзекләндерү комитетында.

Юлларда тәүлек эчендә 134 тонна реагент һәм 367 тонна ком-тоз катнашмасы, ә сезон башыннан бирле 50 мең тоннадан артык бозлавыкка каршы материал кулланылган.

Исегезгә төшерәбез, шәһәрдә кар чистарту буенча кайнар линияләр эшли. Район администрацияләренә дә, «Ачык Казан» сервисы аша да мөрәҗәгать итәргә мөмкин. Рөхсәтсез кар ташлау фактлары турында хәбәрләр ТР Экология министрлыгында кабул ителә.

Шулай ук укыгыз

Барлык яңалыклар