Бүген Казан урамнарын кардан чистартырга 393 берәмлек техника һәм 451 эшче чыкты

Узган тәүлектә 16,3 мең тоннадан артык кар чыгарылган.

Фото: Денис Гордийко

(Казан шәһәре KZN.RU, 26 нчы гыйнвар). Бүген көндез Казан урамнарын кардан чистартырга 451 юл эшчесе һәм 393 берәмлек махсус техника, шул исәптән 52 катнаш юл машинасы, 79 трактор щеткасы, 125 үзбушаткыч, 74 фронталь төягеч, 35 «Барсик» минитөягече һәм башка техника чыкты.

Кар 1 Май, Авангард, Айдаров, Батыршин, Бауман, Беломорск, Болотников, Ботаника, Габишев, Галактионов, Гвардия, Гладилов, Гоголь, Девятаев, Зәкиев, Зорге, Ипподром, Калинин, Камышлы, Карбышев, Качалов, Каштан, Копылов, Кол Гали, Кулагин, Курчатов, Кутуй, Красиков, Лесгафт, Литвинов, Лядов, Мариуполь, Маяковский, Мир, Миславский, Мәскәү, Назарбаев, Насыйри, Ново-Песочная, Нужин, Париж Коммунасы, Петербург, Пионер, Аркылы Гривка, Попов, Идел буе, Профсоюз, Пушкин, Сәетгалиев, Сәлимҗанов, Серов, Серпухово, Совет, Столяров, Солтан, Такташ, Театр, Тихомирнов, Толстой, Ульянов-Ленин, Халтурин, Чистай, Чуйков, Юсупов, Җиңү проспекты, Универсиада һәм Ямашев урамнарыннан, Ирек мәйданыннан, Ярминкә мәйданыннан, Себер трактыннан, Горький шоссесыннан, шулай ук Грабарский микрорайоныннан һәм башка урам участокларыннан чыгарылачак.

Узган тәүлектә урамнардан 16 мең 340 тонна кар чыгарылган, ә кышкы сезон башыннан бирле – 536 мең 494 тонна кар, дип хәбәр иттеләр Казан Башкарма комитетының Тышкы төзекләндерү комитетында.

Юлларда тәүлек эчендә 50 тонна реагент һәм 135 тонна ком-тоз катнашмасы кулланылган, ә сезон башыннан – 50 мең тоннадан артык бозлавыкка каршы материал.

Исегезгә төшерәбез, шәһәрдә кар чистарту буенча кайнар линияләр эшли. KZN.RU порталында басылган район администрацияләре телефоннары буенча да, «Ачык Казан» сервисы аша да мөрәҗәгать итәргә мөмкин. ТР Экология һәм табигый байлыклар министрлыгында рөхсәтсез урыннарда кар җыю фактлары турында хәбәрләр кабул ителә.

Шулай ук укыгыз

Барлык яңалыклар