Бүген көндез Казан юлларында 300-дән артык махсус техника берәмлеге эшләячәк

Юлларга катнаш юл машиналары, кар төягечләр, щеткалы тракторлар, грейдерлар, үзбушаткычлар һәм башка техника чыгачак.

(Казан шәһәре KZN.RU, 26-нчы март). Узган тәүлек эчендә Казан урамнарыннан 3021 тонна кар чыгарылган. Шәһәр урамнарында кар көрәүдә 354 юл хезмәте эшчесе һәм 417 махсус техника берәмлеге катнашкан. Алар арасында – 82 катнаш юл машинасы, 67 "Бошунг” катнаш юл машинасы, 10 кар төягеч, 92 щеткалы трактор, 12 грейдер, 51 фронталь төягеч, 22 "Барсик", 76 үзбушаткыч һ.б.

Тәүлек эчендә Татарстан башкаласы юлларына 36 тонна бозлавыкка каршы катнашма, шул исәптән 6 тонна реагент һәм 30 тонна ком-тоз катнашмасы сибелгән.

Бүген көндез, районнар администрацияләре мәгълүматлары буенча, Казан урамнарын кардан чистарту эшендә 578 юл хезмәте эшчесе һәм 302 махсус техника берәмлеге катнашачак.

Кышкы сезон башыннан Казан урамнарыннан 900 мең тоннага якын кар чыгарылган, дип хәбәр итә Тышкы төзекләндерү комитеты.

Шулай ук укыгыз

Барлык яңалыклар