Яңалыклар
22.01.2025, 09:13
Бүген көндез Казанда юлларны җыештыруга 555 эшче һәм 310 берәмлек махсус техника чыгачак
Төнлә шәһәр урамнарында 478 тонна бозлавыкка каршы материаллар кулланганнар
Казанда бүген көндез 555 эшче һәм 310 берәмлек техника, шул исәптән 68 трактор щеткасы, 61 коммуналь юл машиналары һәм 52 үзбушаткыч кар чистартырга чыгачак. Юлларны һәм тротуарларны кардан чистартачаклар, шуннан соң аларны бозлавыкка каршы материаллар белән эшкәртәчәкләр.
Тышкы төзекләндерү комитетыннан хәбәр итүләренчә, узган төндә урамнарны җыештыруда 63 эшче һәм 261 берәмлек техника катнашкан. Барлыгы 2,28 мең тонна кар чыгарылган. Бозга каршы эшкәртү өчен 194 тонна реагент һәм 284 тонна ком-тоз катнашмасы кулланганнар.
Кыш башыннан шәһәр урамнарыннан барлыгы 166,9 мең тоннадан артык кар чыгарылган, 33,86 мең тонна бозлавыкка каршы материал тотылган.
Казанлыларны машиналарын парковкага куярга сорыйлар — юл буенда калдырылган машиналар техниканың сыйфатлы эшенә комачаулый.
Ишегалларын җыештыруга кагылышлы кисәтүләрне шәһәрлеләр «Открытая Казань» («Ачык Казан») системасына сайтта яисә +7(843)236-41-23 телефоны буенча җибәрә алалар. Моннан тыш, проблемалы участоклар турында чат-ботка яки кайнар линия телефоннары аша хәбәр итәргә мөмкин.
Шулай ук укыгыз
-
30.04.2025, 15:45 -
30.04.2025, 14:03 -
30.04.2025, 09:14 -
29.04.2025, 17:56
