Казанның танк полигонында мобилизацияләнүчеләрнең җыелма пункты артезиан эчәргә яраклы су белән тәэмин ителде

Моңа кадәр палатка шәһәрчеге территориясенә суны цистерналарда китерәләр иде.

Фото: СМУ-88 матбугат хезмәте

(Казан шәһәре KZN.RU, 18 нче октябрь). Казанның танк полигонындагы җыелу пунктындагы мобилизацияләнүчеләрне артезиан эчәргә яраклы су белән тәэмин иттеләр. Моның өчен эшчеләр скважина борауладылар һәм вакытлыча инженерлык челтәрләрен тоташтырдылар. Элегрәк палаткалы шәһәрчеккә суны цистерналарда китерәләр иде.

Суны 85 метр тирәнлектә тапканнар. Чыганакны СанПиН таләпләренә туры килүен тикшергәннәр, шуннан соң лагерьның барлык санитар-гигиена палаткалары суга тоташтырылган.

Скважина бораулау һәм челтәрләр төзү РФ Дәүләт Думасы депутаты Илья Вольфсонның Казан хәрби танк училищесында мобилизацияләнгән кешеләр белән очрашуыннан соң башланды. Аралашу вакытында мобилизацияләнүчеләр һәм кораллы көчләр вәкилләре депутат ярдәм итәргә вәгъдә иткән үтенечләрен һәм теләкләрен җиткерделәр. Скважина «СМУ-88» компанияләр төркеме ярдәмендә эшләнде.

Исегезгә төшерәбез, элегрәк Илья Вольфсон инициативасы белән мобилизацияләнүчеләр өчен беренче медицина ярдәме күрсәтү курслары һәм сугышчан көрәш буенча тренировкалар уздыру оештырылган иде.

Шулай ук укыгыз

Барлык яңалыклар