Казан җыелма командасы волейбол буенча ТР Муниципаль хезмәткәрләре спартакиадасы ярышларында җиңү яулады

Ярышларда 13 команда катнашты.

(Казан шәһәре KZN.RU, 8-нче октябрь). Узган атнада, 6-нчы октябрьдә, Буада ир-атлар арасында волейбол буенча ТР Муниципаль хезмәткәрләре спартакиадасы тәмамланды. Ярышларда 13 команда катнашты. Казанның җыелма командасы иң яхшысы дип табылды. Икенче урында – Буа командасы, өченчедә – Азнакай.

Исегезгә төшерәбез, ТР Муниципаль хезмәткәрләре спартакиадасы кысаларындагы ярышлар ел двамында уза. Шул рәвешле, март аенда чаңгы ярышлары үтте, майда – хатын-кызлар арасында волейбол ярышлары.

Алда – ТР Муниципаль хезмәткәрләре спартакиадасының республика финалы, чарага Казан Башкарма комитетының мини-футбол буенча җыелма командасы барачак. Ә ноябрь ахырында йөзү, җиңел атлетика, шахмат һәм бадминтон буенча ярышлар булыр дип көтелә, дип хәбәр итә Казанның Физик тәрбия һәм спорт комитеты.

Шулай ук укыгыз

Барлык яңалыклар