Кышкы сезон башыннан Казан урамнарыннан 806,3 мең тоннадан артык кар чыгарылган

Бүген көндез шәһәрне җыештырырга 397 юл эшчесе һәм 342 махсус техника чыгачак.

Фото: Денис Гордийко

(Казан шәһәре KZN.RU, 5-нче март). Бүген көндез Казан урамнарын кардан чистартырга 397 юл эшчесе һәм 342 берәмлек махсус техника чыгачак, шул исәптән 95 үзбушаткыч, 67 трактор щеткасы, 61 катнаш юл машинасы, 60 фронталь төягеч, 32 «Барсик» минитөягече һәм башка техника.

Кар Әмирхан, Беломорск, Большая Красная, Борисково, Восстание, Габишев, Голубятников, Губкин, Даурия, Декабристлар, Ипподром, Калинин, Галиәсгар Камал, Качалов, Кленовая, Копылов, Короленко, Кремль, Курчатов, Лукин, Максимов, Кече Мәскәү, Миславский, Моисеев, Париж Коммунасы, Ремесленная, Ротор, СәетГалиев, Театр, Тополевая, Фрунзе, Сибгат Хәким, Четаев, Чуйков, шулай ук Әмәт магистрале территориясе, Оренбург тракты, Җиңү мәйданы, Универсиада проспекты һәм башка урамнардан чыгарылачак.

Узган тәүлектә шәһәр урамнарыннан 14,5 мең тоннадан артык кар чыгарылган, шәһәрне җыештыруда 719 махсус техника һәм 445 юл эшчесе катнашкан, дип хәбәр иттеләр Казан Башкарма комитетының тышкы төзекләндерү комитетында.

Кышкы сезон башыннан шәһәр урамнарыннан 806,3 мең тоннадан артык кар чыгарылган. Юлларда тәүлеккә 419 тонна бозлавыкка каршы материал кулланылган, сезон башыннан – 73,5 мең тоннадан артык.

Шулай ук укыгыз

Барлык яңалыклар