С.Кириенко һәм Р.Миңнеханов торгызыла торган Казан Изге Ана иконасы соборында булдылар

Көзен барлык тышкы төзелеш эшләрен тәмамларга планлаштырыла.

(Казан шәһәре KZN.RU, 5-нче сентябрь). РФ Президенты администрациясе җитәкчесенең беренче урынбасары Сергей Кириенко Татарстан башкаласында Казан Изге Ана иконасы соборында бара торган торгызу эшләре сыйфатын һәм тизлеген югары бәяләде. ТР Президенты Рөстәм Миңнеханов, ТР Дәүләт киңәшчесе Минтимер Шәймиев һәм Казан һәм Татарстан митрополиты Феофан белән бергә ул 1957 елда икона табылган урында булды.

Кунак бүгенге көндә иконаның тору урыны булган Крестовоздвижение храмын, икона табылган урында төзелгән Мәгарә храмын һәм төзелә торган храмны карап чыкты. Храмны торгызу барышы турында сөйләгәндә, митрополит Феофан билгеләп үткәнчә, эшләр графиктан тайпылышларсыз бара. Татарстан митрополиясе башлыгы хәбәр иткәнчә, тышкы төзелеш эшләрен 4 ноябрьгә тәмамларга планлаштырыла, дип хәбәр итә ТР Президенты матбугат хезмәте.

Чарада шулай ук ТР Президенты Аппараты Әсгать Сәфәров, Башкарма комитет җитәкчесе Денис Калинкин, Телләрне үстерү һәм иҗтимагый оешмалар белән хезмәттәшлек итү бүлеге җитәкчесе Илнур Шакиров һ.б. катнашты.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар