30 октябрьдән 7 ноябрьгә кадәр Татарстанда күпфункцияле үзәк офислары эшне көчәйтелгән режимда дәвам итәчәк

4, 6 һәм 7-нче ноябрь көннәрендә күпфункцияле үзәкләр бердәм идентификацияләү һәм аутентификацияләү системасында учет язмасын раслау хезмәтен генә күрсәтәчәк

Фото: Денис Гордийко

(Казан шәһәре KZN.RU, 21-нче октябрь). Татарстанда 30-нчы октябрьдән 7-нче ноябрьгә кадәр күп функцияле үзәкләр көчәйтелгән режимда эшләячәк.

Шул ук вакытта 4, 6 һәм 7-нче ноябрь көннәрендә күпфункцияле үзәкләр бүгенге көндә иң кирәкле хезмәтне генә күрсәтәчәкләр, ул – бердәм идентификацияләү һәм аутентификацияләү системасында учет язмасын раслау , ул РФ Дәүләт хезмәтләре порталында QR-код алу өчен кирәк.

5-нче ноябрьдә күпфункцияле үзәктә барлык хезмәтләр спектрын алырга мөмкин булачак, эш көне бер сәгатькә кыскартылачак.

Моннан тыш, хисап язмасын раслау һәм QR-кодлар белән сертификатлар бастыруга ихтыяҗны киметкәнче, Татарстан күпфункцияле үзәкләре һәр якшәмбе 8.00 сәгатьтән 17.00 сәгатькә кадәр эшләячәк, дип хәбәр итә ТР Финанслар министрлыгы матбугат хезмәте.

QR-код алу һәм РФ Дәүләт хезмәтләре порталында хисап язмасын раслау онлайн мөстәкыйль рәвештә мөмкин – моның өчен кирәкле функция мобиль кушымталарда һәм популяр банклар сайтында бар.

Исегезгә төшерәбез, эпидемиология вәзгыяте начар булу сәбәпле, Россия Президенты Владимир Путин 30-нчы октябрьдән 7-нче ноябрьгә кадәрге вакыт аралыгын, хезмәт хакын саклап калу белән, эшләми торган итү тәкъдимен хуплады. Дәүләт башлыгы мондый карар кабул итүе кичә РФ Хөкүмәте әгъзалары белән киңәшмәдә яңгырады.

Шулай ук укыгыз

Барлык яңалыклар