3 нче майдан Казаннан Петрозаводскига туры авиарейслар яңартыла

3 нче майдан Казаннан Петрозаводскига туры авиарейслар яңартыла

<div class="detail-picture"> <img src="https://kzn.ru/upload/iblock/780/MMB_8643-870.jpg"> <p class="detail-picture__caption"> Фото: Марат Мөгыйнов </p> </div> <p> (Казан шәһәре KZN.RU, 19 нчы апрель). 3 нче майдан Казаннан Петрозаводскига туры авиарейслар яңартыла. Самолетлар атнага ике тапкыр – сишәмбе һәм җомга көннәрендә очачак. </p> <p> Сишәмбе көннәрендә Казаннан очып китү – 13:50 дә, Карелия башкаласына килү 16:20 сәгатьтә планлаштырылган. Самолет Петрозаводскидан кире 17:10 да очып китәчәк, Казан аэропортына 19:35 тә төшәчәк. </p> <p> Җомга көннәрендә Казаннан очып китү вакыты 12:00 сәгатькә каралган, Карелия башкаласына самолет 14:20 сәгатьтә киләчәк. Петрозаводскидан кирегә очышлар 15:20 сәгатьтә башкарылачак, Казан аэропортында 17:50 сәгатьтә булачак. </p> <p> Һәр аэропорт өчен җирле вакыт күрсәтелгән. Юлга киткән вакыт 2 сәгатьтән артык тәшкил итәчәк. Рейсларны «ЮВТ Аэро» авиакомпаниясе башкара. </p> <p> Маршрутта Bombardier CRJ-200 Канада авиалайнерлары эшли, пассажир салонының максималь сыйдырышлылыгы – 50 кеше. Казаннан Петрозаводскига туры рейслар 2022 елның сентябрь ахырына кадәр планлаштырылган, дип хәбәр итә Казан аэропортының матбугат хезмәте. </p> <p>   </p>

2022-04-19T10:55:52+0300