28 нче июльдән 4 нче августка кадәр Татарстанда урманнарның янгын куркынычы югары булуы көтелә

28 нче июльдән 4 нче августка кадәр Татарстанда урманнарның янгын куркынычы югары булуы көтелә

<p> </p> <div class="detail-picture"> <img src="https://kzn.ru/upload/iblock/9cb/MMB_4825-870.jpg"> <p class="detail-picture__caption"> Фото: Марат Мөгыйнов </p> </div> (Казан шәһәре KZN.RU, 27 нче июль). Татарстанда һәм аның башкаласында урманнарның янгын куркынычы зур булуы көтелә. Әйтик, 28 нче июльдән 4 нче августка кадәр урыны белән 4 нче куркыныч классы булырга мөмкин. <p> </p> <p> Иртәгә, 28 нче июльдә, Казанда алмашынучан болытлы һава торышы көтелә, явым-төшемсез булачак. Төнлә һаваның минималь температурасы +13 тән +15 градуска кадәр, көндез һава +27 градуска кадәр җылыначак. </p> <p> Тулаем Татарстан буенча шулай ук алмашынучан болытлы һава торышы көтелә, явым-төшемсез. Төнлә температура 11 дән 16 градуска кадәр, көндез +28 градуска кадәр булачак. </p> <p> 29 нчы июльдә республикада алмашынучан болытлы һава торышы көтелә, явым-төшем фаразланмый. Төнлә һава температурасы +10-15 градус, көндез +29 градуска кадәр булачак. </p> <p> Көндез, 30 нчы июльдә, Татарстанның кайбер районнарында кыска вакытлы яңгыр явачак. Төнлә һаваның минималь температурасы +11 дән +16 градуска кадәр булачак, көндез һава +28 градуска кадәр җылыначак. </p>

2022-07-27T16:55:39+0300