15 октябрьдән Максимов урамында «Авиация заводы» дигән яңа тукталыш пункты ачыла

Ижевск урамындагы «Караваево-2» тукталышы бетерелә.

Фото: Денис Гордийко

(Казан шәһәре KZN.RU, 14-нче октябрь). 15-нче октябрьдән Казанда Ижевск урамындагы «Караваево-2» тукталыш пункты гамәлдән чыгарыла һәм Максимов урамындагы «Казан авиация көллияте» районында «Авиация заводы» тукталыш пункты кертелә. Үзгәрешләр Максимов урамындагы юлны реконструкцияләүне төгәлләү белән бәйле.

Яңа тукталыш пункты аша 6, 18, 33, 37, 40, 42, 53, 60, 78, 89, 92с, 93-нче номерлы маршрут автобуслары, шулай ук 13-нче маршрут троллейбусы узачак. Әлеге маршрутларның паспортына һәм хәрәкәт схемаларына тиешле үзгәрешләр кертеләчәк, дип хәбәр итә Транспорт комитеты.

10-нчы октябрьдән башлап, Максимов урамындагы Ижевск урамыннан Дементьев урамына кадәрге участокта реконструкция үткәрелү сәбәпле, транспортның ике яклы хәрәкәте оештырылды.

Исегезгә төшерәбез, быел Авиатөзелеш районында Петр Витер урамыннан Дементьев урамына кадәр Максимов урамындагы участокны реконструкцияләү уздырылды, юл киңәйтелде, яңа канализация һәм яктырту челтәрләре төзелде. Әлеге урам буенча 13 җәмәгать транспорты маршруты уза, көн саен 14 меңнән артык автомобиль үтә, аннан 120 меңнән артык кеше файдалана.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар