15 апрельдән 14 майга кадәр Татарстанда зур йөк машиналары хәрәкәтен чиклиләр

15 апрельдән 14 майга кадәр Татарстанда зур йөк машиналары хәрәкәтен чиклиләр

<p> (Казан шәһәре KZN.RU, 12-нче март). Язгы һәм җәйге чорда Татарстанда тискәре табигый-климат шартлары туган очракта төбәк әһәмиятендәге автомобиль юлларында зур йөк автомобильләре хәрәкәтенә вакытлыча чик кертеләчәк. Тиешле <a target="_blank" href="http://pravo.tatarstan.ru/rus/npa_kabmin/post/?npa_id=336583">карар</a> Татарстан Республикасы Министрлар Кабинетында имзаланды.<br> </p> <p> 15 апрельдән 14 майга кадәр төбәк әһәмиятендәге автомобиль юлларында йөк белән яки йөксез килеш транспорт күчәренә 6 тоннадан артык авырлык туры килгән йөк ташу транспорты хәрәкәте чикләнәчәк. </p> <p> 20 майдан 31 августка кадәр һава температурасы +32 градустан югары булганда, авыр йөк ташучы транспорт өчен төбәк әһәмиятендәге асфальт-бетон өслекле юлларда йөрү ябык булачак. Хәрәкәт 22.00 сәгатьтән 10.00 сәгатькә кадәр рөхсәт ителәчәк. </p> <p> ТР Министрлар Кабинетында билгеләп үтүләренчә, чикләүләр Татарстан территориясендә урнашкан төбәк яки муниципальара әһәмияттәге гомуми файдаланудагы автомобиль юлларының конструктив элементлары мөмкинлекләренең кимүенә юл куймас өчен кертелә. </p>

2019-03-12T10:30:33+0300