14-16 июньдә Казанда Сибгат Хәким һәм Бондаренко урамнарында транспорт хәрәкәте чикләнәчәк

Тиешле карар шәһәр Башкарма комитетында имзаланды.

(Казан шәһәре KZN.RU, 23-нче май). 14-16 июньдә Казанда Сибгат Хәким һәм Бондаренко урамнарында транспорт хәрәкәте чикләнәчәк. Шулай ук 15-нче һәм 16-нчы июньдә Декабристлар урамы һәм Әмирхан проспекты участокларында җәяүлеләр өчен хәрәкәт чикләнәчәк. Бу «Авиагонки – формула-1» дисциплинасында самолет спорты буенча чемпионатка әзерлек һәм үткәрү белән бәйле. Тиешле карар шәһәр Башкарма комитетында имзаланды.

14-нче июньнең 0.00 сәгатеннән 16-нчы июньнең 23.55 сәгатенә кадәр транспорт хәрәкәте чикләнәчәк:

Сибгат Хәким урамының ике ягында да, Декабристлар урамы киселешеннән Әпсәләмов урамы киселешенә кадәрге участокта. Хәрәкәт, «Спорт һәм социаль проектлар дирекциясе» коммерцияле булмаган автоном оешмасы тарафыннан билгеләнгән форма буенча махсус пропусклы автомобильләрне үткәрүдән тыш, барлык автомобильләр өчен дә чикләнәчәк;

Бондаренко урамының ике ягыннан да, Сибгат Хәким урамы, 3 адресы буенча урнашкан торак йорттан Сибгат Хәким урамына кадәрге участокта.

15-нче июньнең 10.00 сәгатеннән 19.00 сәгатенә кадәр һәм 16-нчы июньнең 10.00 сәгатеннән 20.00 сәгатенә кадәр Казанның урам-юл челтәренең түбәндәге участокларында җәяүлеләр хәрәкәтен чиклиләр:

Декабристлар урамы, Батурин урамындагы уң як съезддан Кремль күперенә кадәр Сибгат Хәким юнәлешендәге уң як съездга кадәр;

Әмирхан проспекты, уң як съезддан юлүткәргечнең җир асты өлешенә (Чистай урамы, 62 йорт каршында) Подлужная урамы юнәлешендә «Миллениум» күпереннән уң як съездга кадәр;

Сибгат Хәким урамыннан Абдулла Бичурин урамына кадәр Казансу елгасының комлы яры.

Шулай ук укыгыз

Барлык яңалыклар