1 августтан Казан – Калининград авиарейслары яңартыла

Рейслар атнасына ике тапкыр, чәршәмбе һәм шимбә көннәрендә, башкарылачак.

(Казан шәһәре KZN.RU, 30-нчы июль). 1 августта Казан – Калининград даими авиарейслары яңартыла. Рейслар атнасына ике тапкыр, чәршәмбе һәм шимбә көннәрендә, CRJ-200 очкычларында башкарылачак. Юл озынлыгы 3 сәгать тәшкил итә.

Чәршәмбе көннәрендә очкыч Казаннан 19.15 очып китә, Калининградта 21.00 сәгатьтә төшә. Татарстан башкаласына очкыч 22.00 сәгатьтә кузгала, Казанга 01.55 сәгатьтә төшә.

Шимбә көннәрендә ТР башкаласыннан очкыч 17.20 сәгатьтә китә, Калининградка 19.20 сәгатьтә җитә. Калининградтан 20.20 сәгатьтә очып китә, Казанда 00.10 сәгатьтә утыра. Һәр аэропорт өчен җирле вакыт күрсәтелгән, дип хәбәр итә “ЮВТ Аэро” матбугат хезмәте.

Шулай ук укыгыз

Барлык яңалыклар