1 августтан поезд билетларында җирле вакыт күрсәтелә башлый

Хәзерге вакытта билетларда составның килү һәм китү вакыты Мәскәү вакыты белән күрсәтелә.

(Казан шәһәре KZN.RU, 25-нче июль). 1 августтан ерак арага йөри торган һәм шәһәр яны поездларының юл йөрү документларында поездларның китү һәм килү вакытын күрсәтү тәртибе үзгәрә. Хәзер тимер юл билетларында җирле вакыт кына күрсәтеләчәк. Хәзерге вакытта билетларда составның килү һәм китү вакыты Мәскәү вакыты белән күрсәтелә.

Юл йөрү документларының вакытны күрсәтү форматы үзгәргән бланклары сатуга 4 майдан чыкты (поезд китәргә 90 тәүлек кала).

Пассажирлар уңайлылыгы өчен китү һәм килү вакыты Мәскәү вакытыннан аерманы төгәлләү белән күрсәтелә (кузгалу СС:ММ җирле вакыт белән (МСК+3)). Җирле вакыт турында мәгълүмат поездлардагы таблоларда, платформалардагы күрсәткечләрдә һәм вокзаллардагы электрон сәгатьләрдә чагылачак, дип хәбәр итә Горький тимер юллары – “Россия тимер юллары” ААҖ филиалы матбугат хезмәте.

Шулай ук укыгыз

Барлык яңалыклар