Рөстәм Гафаров Мәскәүдәге теракт турында: «Казанлылар, шундый рәхимсезлек белән очрашканда, кешеләрнең нинди җан әрнүе кичерүен яхшы аңлыйлар»

Рөстәм Гафаров Мәскәүдәге теракт турында: «Казанлылар, шундый рәхимсезлек белән очрашканда, кешеләрнең нинди җан әрнүе кичерүен яхшы аңлыйлар»

<p> </p> <div class="detail-picture"> <img src="https://kzn.ru/upload/iblock/d8d/d8d90429ecb54873bc59c2f69b5c6193.jpg"> <p class="detail-picture__caption"> Фото: Казан шәһәре, KZN.RU </p> </div> Бүген Казан Башкарма комитетында узган аппарат киңәшмәсендә ведомство карамагындагы бүлекчәләр җитәкчеләре һәм район администрацияләре башлыклары 22 нче мартта «Крокус Сити Холл» концерт залындагы терактта һәлак булганнарны бер минут тынлык белән искә алдылар.<br> <p> </p> <p> «Без, казанлылар, шундый рәхимсезлек белән очрашканда, кешеләрнең нинди җан әрнүе кичерүен яхшы аңлыйбыз. Зыян күрүчеләрнең кайгысын уртаклашабыз, хастаханәләрдә булганнарга тиз арада савыгуларын телибез», – диде шәһәр Башкарма комитеты җитәкчесе Рөстәм Гафаров. </p> <p> Казанда Бауман урамындагы «Сәгать» монументы янында стихияле мемориал барлыкка килде. Ял көннәрендә шәһәр халкы мемориалга чәчәкләр салды, уенчыклар һәм шәмнәр китерде. Психологик ярдәмгә мохтаҗ кешеләр өчен шәһәрдә кайнар линияләр <a href="https://kzn.ru/meriya/press-tsentr/novosti/v-pamyat-o-zhertvakh-terakta-v-moskve-poyavilsya-stikhiynyy-memorial-na-ulitse-baumana-v-kazani/">эшли</a>. Белгечләр һәркемгә ярдәм итәргә әзер. </p> <p> Элегрәк ТР башкаласы мэры Илсур Метшин вакыйга корбаннарының гаиләләренә һәм якыннарына кайгы уртаклашу сүзләре белән <a href="https://kzn.ru/meriya/press-tsentr/novosti/ilsur-metshin-eto-nastoyashchee-gore-dlya-goroda-oblasti-i-vsey-strany/">мөрәҗәгать итте</a>. «Казанлыларга төрле фаҗигале вакыйгаларда якын кешеләрне югалту ачысы таныш», – диде ул. </p> <p> <i>Камилә Вилданова</i> </p> <br>

2024-03-25T09:55:00+0300