Рөстәм Гафаров Казандагы язгы ташу вәзгыятен тикшереп торуны көчәйтергә кушты

Казанның Совет районында 46 чакрым яр буе мәйданнары чистартылган

Фото: Марат Мөгыйнов

Казан Башкарма комитеты җитәкчесе Рөстәм Гафаров язгы ташу белән бәйле вәзгыятьне аерым күзәтү астына алырга кушты. Җылыну һәм тотрыклы плюс температуралар шартларында торак секторны һәм инфраструктура объектларын су басуны булдырмау шәһәр хезмәтләренең өстенлекле бурычы булып тора.
Аерым алганда, Совет районында урнашкан торак массивлар су басу куркынычы астында тора.

«Көнүзәк проблема – су басу чорында су басуга юл куймау. Совет районы кечкенә елгаларга бай – анда Нокса, Киндерле, Дүртөйле елгалары ага. Гадәттәгечә, төп куркынычны шулар тудыра. Өстәвенә, ялларда һава рекордлы җылы булды – +8 градуска кадәр күтәрелде. Әлегә минуслы температура төнлә безнең файдага уйный, әмма без тәүлек буена вәзгыятьне күзәтеп торуны дәвам итәбез», – дип ассызыклады Рөстәм Гафаров.

Совет районы администрациясе җитәкчесе Роман Фәтхетдинов хәбәр итүенчә, бистәләрне күп су басудан саклау – катлаулы күмәк бурыч, аңа әзерлек көз ахырында ук башланган. Елгалар күп булу сәбәпле, шәһәрнең бу өлешендә ташу ел саен җитди сынауга әверелә, су басуга юл куйдырмаска махсус чаралар таләп ителә.

Бүгенге көндә профильле хезмәтләр яр буйларында 46 километр тәшкил иткән мәйданны чистарту буенча эшләрне дәвам итәләр: елгаларны чүп-чардан чистарту, ауган агачлардан хасил булган тыгыннарны бетерү, су агызу канауларын казу, су үткәрү корылмаларының торышын тикшерү.

Роман Фәтхетдинов билгеләп үткәнчә, әлеге чараларның төп максаты – куркыныч хәлләрне киметү, иминлекне арттыру, торак йортларны һәм юлларны афәттән саклау. Су күләмен күзәтеп тору эше оператив тәртиптә һәм тәүлек буе алып барыла.