Рөстәм Гафаров мәктәпләрне һәм балалар бакчаларын ремонтлау турында: «Без һәр учреждениенең торышын беләбез һәм эш чиратын планлаштыра алабыз»

Рөстәм Гафаров мәктәпләрне һәм балалар бакчаларын ремонтлау турында: «Без һәр учреждениенең торышын беләбез һәм эш чиратын планлаштыра алабыз»

<p> </p> <div class="detail-picture"> <img src="https://kzn.ru/upload/iblock/aeb/aeb693f7c649f0d32d924e5881186a9f.jpg"> <p class="detail-picture__caption"> Фото: Денис Гордийко </p> </div> (Казан шәһәре KZN.RU, 16 нчы октябрь, Камилә Вильданова). 2023 елда Казанда 278 социаль учреждение ремонтланган, шул исәптән 16 мәктәп, җиде балалар бакчасы, яңа «Ышаныч» үзәкләре өчен алты бина һәм башка объектлар капиталь яңартылган. Капиталь һәм агымдагы ремонт программалары буенча федераль, республика һәм муниципаль акчаларны җәлеп итеп, барлыгы 4,9 млрд сум бүлеп бирелгән. 2022 ел белән чагыштырганда ил бюджетыннан финанслау өлеше 12 тапкыр арткан. Бу хакта эшлекле дүшәмбедә Казанның Социаль өлкә учреждениеләрен карап тоту һәм аларга хезмәт күрсәтү департаменты директоры Петр Королев хәбәр итте.<br> <p> </p> <p> «Бүген социаль хезмәт күрсәтү департаменты 885 бина өчен җаваплы – сан бик зур. Без һәр объектны җентекләп тикшерү буенча зур эш башкардык, һәр учреждениенең торышын беләбез һәм ремонт чиратын планлаштыра алабыз. Шул рәвешле күңелсез сюрпризлардан сакланырбыз дип ышанам. Президент программасы ярдәмендә мәктәпләрне ремонтлау балалар бакчалары кебек кискен проблема түгел. Бакчаларда да эш алып барыла, әмма без теләгән темпларда түгел. 163 балалар бакчасы көтү исемлегендә – республика хакимияте һәм без нәрсә эшләргә кирәклеген аңлыйбыз һәм бу юнәлештә эшне дәвам итәбез», – дип аңлатма бирде Башкарма комитет җитәкчесе Рөстәм Гафаров. </p> <p> Быел эшләрнең иң зур күләме гомуми белем бирү учреждениеләрендә башкарылды – 16 мәктәп капиталь ремонтланды. Аларда тәрәзә блоклары, керү төркемнәре, инженерлык челтәрләре алыштырылган, шулай ук түбә, актлар һәм спорт заллары, химия, физика һәм технология кабинетлары, җиһазлар, мебель һәм инвентарь яңартылган. Алты мәктәп территориясендә яңа асфальт түшәлгән. Моннан тыш, 21 ашханә мәктәп рестораннарына <a target="_blank" href="https://kzn.ru/meriya/press-tsentr/novosti/mer-kazani-otsenil-otremontirovannuyu-stolovuyu-v-shkole-130-imeni-geroya-rf-mayora-s-a-ashikhmina/">үзгәртеп корылган</a>. </p> <p> 19 нчы гимназиядә 300 кешегә исәпләнгән өстәмә корпус төзелеше <a target="_blank" href="https://kzn.ru/meriya/press-tsentr/novosti/k-1-dekabrya-v-kazani-otkroetsya-novyy-pristroy-k-gimnazii-19/">тәмамланып килә</a>, анда азык-төлек блогы, кабинетлар һәм актлар залы урнашачак. Капиталь ремонт шулай ук 9 нчы, 93 нче гимназияләрдә үткәрелгән. </p> <p> Шулай ук бу елда җиде балалар бакчасы ремонтланган, аларда 800 дән артык бала өчен уен һәм йокы бүлмәләре, яңа җиһазлар һәм мебель, уен мәйданчыклары әзерләнгән. Сәламәтлек мөмкинлекләре чикләнгән тәрбияләнүчеләр өчен 155 нче, 231 нче балалар бакчаларында шартлар тудырылган. </p> <p> «Казанда 390 балалар бакчасы бинасы эшли һәм ел ахырына кадәр һәркайсы 220 урынлы булган ике балалар бакчасы файдалануга тапшырылачак. Соңгы 10 елда 93 бина капиталь ремонтланган», – дип сөйләде Социаль сфера учреждениеләрен тоту һәм аларга хезмәт күрсәтү департаменты директоры Петр Королев. </p> <p> Аның сүзләренчә, балалар бакчаларының подвалларын су басу мәсьәләсе кискен тора, анда җир асты суларының югары дәрәҗәсе күзәтелә. Мәсәлән, 81 нче һәм 168 нче учреждениеләрдә гидроизоляция үткәрәләр һәм бина диварларыннан яңгыр һәм эрегән суларны читкә чыгару системасын җиһазландыралар. </p> <p> Хәзерге вакытта тагын 163 балалар бакчасы капиталь ремонтка мохтаҗ. </p> <p> Капиталь ремонт ел дәвамында мәгариф өлкәсендәге башка объектларда да үткәрелде. Мәсәлән, Юдино торак массивында күптән түгел «Сәяхәт» күп профильле балалар үзәге <a target="_blank" href="https://kzn.ru/meriya/press-tsentr/novosti/rustam-minnikhanov-i-ilsur-metshin-posetili-tsentr-dopolnitelnogo-obrazovaniya-seyakhet/">файдалануга тапшырылган</a>. Үзәкнең үзенең тавыш яздыру студиясе, спорт залы, робототехника кабинетлары бар. Петр Королев хәбәр иткәнчә, алардан сәламәтлек мөмкинлекләре чикләнгән балалар һәм яшүсмерләр дә куллана ала. </p> <p> Федераль грант откан «Вертолет» яшьләр үзәге өчен җиһазлар һәм мебель <a target="_blank" href="https://kzn.ru/meriya/press-tsentr/novosti/molodezhnyy-tsentr-vertolet-kapitalno-otremontiruyut-k-kontsu-godu/">сатып алганнар</a>. </p> <p> Ноябрьгә җиде «Ышаныч» психологик-педагогик үзәге ачу планлаштырыла, шуларның өчесе «<a target="_blank" href="https://kzn.ru/meriya/press-tsentr/novosti/trudoustroystvo-molodezhi-novye-sektsii-i-vozmozhnosti-dlya-detey-s-ovz-chto-predlagaet-podrostok/">Подросток» яшүсмерләр клублары челтәре белән</a> уртак эш алып барачак. Моның ярдәмендә яңа юнәлешләр барлыкка киләчәк: кибернетика, гамәли сәнгать, хореография һәм башкалар. </p> <p> Быел ремонт эшләре «Ак Бүре», «Ракета» һәм «Мотор» спорт мәктәпләрендә үтте. Беренчесендә административ-көнкүреш корпусының түбәсен яңарттылар һәм шәхси җылылык пунктының керү җайланмасын алыштырдылар. «Ракета» стадионында салкын белән тәэмин итү трассалары монтажлана һәм кирәкле җиһазлар урнаштырыла. «Мотор»да футбол кыры капиталь <a target="_blank" href="https://kzn.ru/meriya/press-tsentr/novosti/v-kazanskoy-sportshkole-motor-otkryli-novoe-futbolnoe-pole-s-begovymi-dorozhkami/">ремонтланды</a>. Ә 161 нче мәктәп янындагы мини-футбол кырында быел япманы алыштырачаклар, шулай ук Солидарность урамындагы спорт мәйданчыгын ремонтлаячаклар. </p> <p> «49 нчы мәктәп территориясендә ачык типтагы физкультура-сәламәтләндерү комплексы төзелеше тәмамланды. Шулай ук 16 нчы гимназия территориясендә ачык типтагы физкультура-сәламтләндерү комплексы булдыру буенча эшләр ноябрьдә тәмамланачак», – дип уртаклашты Петр Королев. </p>

2023-10-16T13:13:00+0300