Рөстәм Гафаров парк-менеджер вазыйфасына конкурс турында: «Бу профессиональ рәвештә үсәргә әзер булучылар өчен башлау ноктасы»

Кадрлар сайлап алуда 80 нән артык кеше катнашкан, шулардан жюри 10 җиңүчене сайлап алган.

Фото: Марат Мөгыйнов

(Казан шәһәре KZN.RU, 3 нче апрель, Юлия Летникова). Җәйге сезон алдыннан Казанның парклар һәм скверлар дирекциясе парк-менеджер вазыйфасына икенче конкурс оештырды. Катнашу өчен 80 нән артык кеше гариза биргән, шуларның 29 ы финалга чыккан. Сынау нәтиҗәләре буенча эксперт советы 10 җиңүчене билгеләде, дип хәбәр итте Мэриядә узган эшлекле дүшәмбедә дирекция җитәкчесе Айгөл Латыйпова.

«Ачык конкурслар команданы көчәйтергә һәм яңа идеяле кешеләрне җәлеп итәргә мөмкинлек бирә. Бу профессиональ яктан үсәргә, яңа эш урынында потенциалны ачарга әзер булган кешеләр өчен яхшы башлау ноктасы», - дип ышанып әйтте ТР башкаласы Башкарма комитеты җитәкчесе Рөстәм Гафаров.

Исегезгә төшерәбез, конкурс берничә этапта узды. Финалда катнашучылар Казанның җәмәгать киңлекләренең берсен үстерү буенча үз концепцияләрен тәкъдим иттеләр. Җиңүчеләрнең бер өлеше дирекция командасына кушылды инде.

Исегезгә төшерәбез, парк-менеджер вазыйфасына конкурс беренче тапкыр 2017 елда Парклар һәм скверлар дирекциясе төзелгәннән соң үткәрелде. Аның 9 җиңүчесенең 4 се командада эшләвен дәвам итә, дип билгеләп үтте А.Латыйпова.