В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
13.04.2022, 13:11
Рөстәм Миңнеханов һәм Илсур Метшин төрек бизнесы вәкилләре белән очрашты
Алар төзелеш һәм уртак проектларны гамәлгә ашыру өлкәсендә хезмәттәшлек турында сөйләштеләр.
Фото: ТР Президенты матбугат хезмәте
(Казан шәһәре KZN.RU, 13 нче апрель). Бүген Татарстан Республикасы Хөкүмәт Йортында Татарстан Республикасы Президенты Рөстәм Миңнеханов «Полимекс» төрек холдингы җитәкчелеге белән очрашты. Утырышта Казан Мэры Илсур Метшин һәм ТР Президенты ярдәмчесе Олеся Балтусова катнашты.
Рөстәм Миңнеханов билгеләп үткәнчә, республикага Төркия белән икътисадый хезмәттәшлекнең төрле өлкәләре кызыклы. Очрашуда төзелеш өлкәсендә хезмәттәшлек итү һәм уртак проектларны гамәлгә ашыру мәсьәләләре, шулай ук башкалар турында фикер алыштылар.
Татарстанда унлап эре төрек заводы һәм предприятиесе эшләвен дәвам итә. 2021 елда товар әйләнеше 2020 ел белән чагыштырганда шактый арткан. Хәзер Төркия республиканың төп инвесторларының берсе булып кала, дип өстәде Президент.
Исегезгә төшерәбез, «Полимекс» компаниясе белән хезмәттәшлек кысаларында Казанда ике кунакханә төзелеше проекты (Kazan Palace by Tasigo һәм Neo Kazan Palace by Tasigo) уңышлы гамәлгә ашырылган. Хәзерге вакытта кунакханә комплексын төзү проектлары буенча эш дәвам итә, дип хәбәр иттеләр ТР Президенты матбугат хезмәтендә.
Шулай ук укыгыз
-
24.07.2025, 12:00 -
24.07.2025, 11:22 -
23.07.2025, 17:46 -
23.07.2025, 17:27