Рөстәм Миңнеханов һәм Илсур Метшин Казан ипподромында Сабантуй уңаеннан уздырылган бәйрәм ярышларында булдылар

14 чабыш һәм заезд, сәнгать осталары концерты узды, чараның кульминациясе пиротехник тамаша булды.

Фото: Денис Гордийко

(Казан шәһәре KZN.RU, 19 нчы июнь). Кичә «Казан» халыкара ат спорты комплексында ат чабышлары узды. Чарада Татарстан Республикасы Дәүләт Киңәшчесе Минтимер Шәймиев, Татарстан Республикасы Премьер-министры урынбасары – Татарстан Республикасы авыл хуҗалыгы һәм азык-төлек министры Марат Җәббаров, Татарстан Республикасы Премьер-министрының беренче урынбасары Рөстәм Нигъмәтуллин, Кемерово өлкәсе губернаторы Сергей Цивилев, Липецк өлкәсе Губернаторы Игорь Артамонов һәм башкалар катнашты.

Бәйрәм чаралары Татарстан Республикасы Авыл хуҗалыгы һәм азык-төлек министрлыгы ярдәмендә оештырылды. «Казан» халыкара ат спорты комплексы холлында республика авыл хуҗалыгы товар җитештерүчеләренең продукциясе тәкъдим ителде.

Программада 14 узыш, сәнгать осталары концерты, лотерея булды. Бәйрәмнең кульминациясе буларак пиротехник тамаша оештырылды.

Узышлар Татарстан Республикасы игенчеләре хөрмәтенә, республика нефтьчеләре хөрмәтенә, Казан Кремле Кубогына (Казан шәһәре Мэриясе призы), Идел буе Болгар дәүләтендә Ислам динен кабул итүгә 1100 ел тулу хөрмәтенә, «Сабантуй – 2022» призына үткәрелде – тулы исемлек белән халыкара ат спорты федерациясе сайтында танышырга мөмкин.

Видеорепортаж