Рөстәм Мавлин иң яхшы югары сыйдырышлы автобус йөртүчесе дип танылды

Рөстәм Мавлин иң яхшы югары сыйдырышлы автобус йөртүчесе дип танылды

<p> <img width="870" src="https://www.kzn.ru/upload/iblock/00d/870.jpg" height="653"><br> </p> <p> (Казан шәһәре KZN.RU, 18-нче октябрь). Автобус йөртүчеләр һәм кондукторлар арасында һөнәри осталык конкурсында җиңүчеләр билгеле булды. Ярышлар <a href="https://www.kzn.ru/meriya/press-tsentr/novosti/v-kazani-vybirayut-luchshikh-konduktorov-i-voditeley-gorodskikh-avtobusov/" target="_blank">бүген</a> «ПАТП-2» муниципаль унитар предприятиесендә Автомобиль һәм шәһәр пассажир транспорты хезмәткәрләре көне алдыннан үткәрелде. </p> <p> «ПАТП-2» муниципаль унитар предприятиесе хезмәткәре Рөстәм Мавлин югары сыйдырышлы автобус йөртүчеләр арасында беренче урынны яулады, ул шулай ук юл хәрәкәте кагыйдәләрен белү номинациясендә җиңүче булды. Икенче урында - «ПАТП-4» муниципаль унитар предприятиесе шоферы Алексей Савельев, өченчедә - «ПАТП-4» муниципаль унитар предприятиесе шоферы Нияз Гарифуллин. </p> <p> Уртача сыйдырышлы автобус йөртүчеләр арасында җиңүчеләргә килгәндә, бу категориядә беренчелекне «ПАТП-2» муниципаль унитар предприятиесе хезмәткәре Алексей Митрофанов яулады, икенче урында - «Республика Автовокзалы» җаваплылыгы чикләнгән җәмгыяте шоферы Илгиз Ганиуллин, «бронза»га «КПАП 7» җаваплылыгы чикләнгән җәмгыяте шоферы Александр Бударин лаек булды. </p> <p> Кондукторлар арасында «ПАТП-2» муниципаль унитар предприятиесеннән Марина Гайнуллина иң яхшысы дип табылды, икенче урында - «Республика автовокзалы» җаваплылыгы чикләнгән җәмгыяте кондукторы Фәридә Ганиуллина, өченче урында - «ПАТП-4» муниципаль унитар предприятиесе хезмәткәре Венера Дорофеева. </p> <p> Исегезгә төшерәбез, автобус йөртүчеләр һәм кондукторлар арасында һөнәри осталык конкурсында Казанның транспорт предприятиеләреннән 12 команда катнашты. </p> <p> Сынау ике этаптан торды – теоретик һәм практик.  </p>

2019-10-18T14:50:21+0300