Татарстан Росреестры күчемсез милек объектларының кадастр бәясен онлайн режимда карый

Быел кадастр бәясен яңадан карау комиссиясе 153 күчемсез милек объектына карата 52 гариза караган.

(Казан шәһәре KZN.RU, 15-нче апрель). Татарстан Республикасы буенча Росреестр идарәсе күчемсез милек объектларының кадастр бәясен билгеләү нәтиҗәләре турындагы бәхәсләрне карау буенча комиссия эшен дистанцион форматка күчерде. Комиссия утырышлары видеоконференция режимында уздырыла.

Комиссия составына Татарстан Росреестры, ТР Кадастр палатасы, ТР Җир һәм милек мөнәсәбәтләре министрлыгы, Бәя эшчәнлеге буенча Илкүләм совет вәкилләре керә.

Быел кадастр бәясен яңадан карау комиссиясе 153 күчемсез милек объектына карата 52 гариза караган. Шулардан 1 уңай карар (10 күчемсез милек объектына карата), 51 тискәре карар кабул ителгән (143 күчемсез милек объектына карата). 39 гариза каралуга кабул ителмәгән (42 күчемсез милек объектына карата), дип хәбәр итә ведомствоның матбугат хезмәте.

Тискәре чишелешләрнең булуы күчемсез милек объектларының базар хакы турындагы тәкъдим ителгән хисапларның бәяләү эшчәнлеге турындагы федераль законнарга, шулай ук бәяләүнең федераль стандартларына туры килмәвенә бәйле. Гаризалар кире кагылуның төп сәбәбе - документларның тулы булмаган пакетын бирү, мәсәлән, күчемсез милек объектының базар бәясе турында хисап булмау.

Кадастр бәясен билгеләү нәтиҗәләре турындагы бәхәсләрне карау буенча комиссия эше турында кирәкле бөтен мәгълүмат Татарстан Республикасы буенча Росреестр идарәсенең рәсми сайтында «Күчемсез милек объектларын кадастр бәяләве» бүлегендә урнаштырылган. Гариза белән турыдан-туры Авангард, 74 адресы буенча мөрәҗәгать итәргә кирәк. Сораулар килеп чыккан очракта +7(843)255-25-28, +7(843)255-25-23 номерлары буенча шалтыратырга мөмкин.

Шулай ук укыгыз

Барлык яңалыклар