ТР буенча Дәүләт теркәве, кадастр һәм картография федераль хезмәте идарәсе: 2021 елда Казанда җир законнарын бозуның 800 дән артык очрагын ачыклаганнар

Күпчелек очраклар җир кишәрлекләрен рөхсәтсез алу белән бәйле.

Фото: Денис Гордийко

(Казан шәһәре KZN.RU, 1 нче февраль). 2021 елда Татарстанда җир законнарын бозуның 6 меңгә якын очрагы ачыкланган, шуларның 802 се – Казанда. Күпчелек очраклар җир кишәрлекләрен рөхсәтсез алу белән бәйле – бу ачыкланган барлык хокук бозуларның 84%-тан артыгы дигән сүз.

Ел башыннан җир инспекторлары 165 тәртип бозуны ачыклаган. ТР буенча Дәүләт теркәве, кадастр һәм картография федераль хезмәте идарәсеендә сөйләүләренчә, контроль-күзәтчелек чаралары үткәргәннән соң, җир кишәрлегендә ачыкланган хокук бозулар турында мәгълүмат Күчемсез милекнең бердәм дәүләт реестрына кертелә. Шуннан соң җир кишәрлеге милекчесе белдерү хаты ала. Шулай итеп, шәһәрлеләр уздырылган тикшерүләр турында мәгълүматларны Күчемсез милекнең бердәм дәүләт реестрында һәм ТР буенча Дәүләт теркәве, кадастр һәм картография федераль хезмәте идарәсе сайтында белә ала.

Әгәр гражданин җир законнары өлкәсендә аның хокуклары бозылган дип саный икән, ул ТР буенча Дәүләт теркәве, кадастр һәм картография федераль хезмәте идарәсенә Авангард урамы, 74 нче йорт, 7 нче номерлы подъезд адресы буенча мөрәҗәгать итә ала. Мөрәҗәгатьләр тапшырганда гариза бирүче шәхесне раслаучы документ күрсәтергә тиеш. Бу яңалык ялган мәгълүматлар булган аноним мөрәҗәгатьләрне бетерү өчен кирәк, дип билгеләп үтәләр ведомствода.

Шулай ук укыгыз

Барлык яңалыклар