Лилия роботы татарстанлыларга COVID-19 мәсьәләләре буенча консультация бирәчәк

Лилия цифрлы үткәргечләрнең контакт-үзәге операторларына йөкләнешне киметергә ярдәм итәчәк, ә республика халкына консультациягә үз чиратын көтәргә туры килмәячәк.

(Казан шәһәре KZN.RU, 29-нчы апрель). Татарстанда коронавирус инфекциясе, үзизоляция режимы һәм цифрлы рөхсәтләр системасы сорауларына җавап бирүче телефон роботы - Лилия эшли башлады.

Лилия цифрлы үткәргечләрнең контакт-үзәге операторларына йөкләнешне киметергә ярдәм итәчәк, ә республика халкына консультациягә үз чиратын көтәргә туры килмәячәк. Моннан тыш, робот операторларның иминлеген көчәйтергә мөмкинлек бирәчәк, чөнки аңа шәхси контакт зарурлыгы таләп ителми.

Лилия роботы иң популяр сорауларга җавап бирергә мөмкин, алар арасында COVID-19 авыруы симптомнары, рөхсәтләрнең гамәлдә булу вакыты, рөхсәтләрне бирү системасында теркәү белән проблемалар һәм башка сораулар. Лилия җавап бирә ала торган сораулар исемлеге киңәйтеләчәк, дип хәбәр итә ТР дәүләт идарәсенең Цифрлы үсеш, мәгълүмати технологияләр һәм элемтә министрлыгы матбугат хезмәте.

Лилиядән консультация алу өчен кайнар линия номерына шалтыратырга кирәк: +7(800)-250-90-33. Шалтыратулардан соң дүрт пункттан торган тавыш менюсы башланып китәчәк: әгәр сезгә өйдән чыгу өчен рөхсәт алырга кирәк икән - 1 төймәсенә басыгыз; әгәр сезгә эшсезлек буенча пособие билгеләү өчен гариза бирергә кирәк икән - 2 төймәсенә басыгыз; әгәр сез хезмәт күрсәтү өчен үз чиратыгызны көтәргә теләмисез икән, 3 төймәсенә басып, автомат режимда үз соравыгызга җавап алырсыз; әгәр сезнең системада теркәлү яисә рөхсәт алу буенча техник сорауларыгыз бар икән - 4 төймәсенә басыгыз.

Шулай ук укыгыз

Барлык яңалыклар