ТР ТКХ өлкәсендәге иҗтимагый контроль региональ үзәге торак йортлар советлары әгъзаларын һәм милекчеләрен укытачак

Курс тыңлаучыларына күпфатирлы йорт белән идарә итү, ТКХ өчен түләү хисаплау һәм торак законнарындагы үзгәрешләр турында сөйләячәкләр.

Фото: Денис Гордийко

(Казан шәһәре KZN.RU, 1 нче декабрь). «Татарстан Республикасының ТКХ өлкәсендәге иҗтимагый контроль региональ үзәге» ассоциациясе йортлар советы вәкилләре һәм торак милекчеләре өчен түләүсез укулар уздыра. Беренче очрашу декабрьдә төркем җыелганнан соң булачак.

Укуларны ТКХ өлкәсендәге экспертлар – ТР ТКХ өлкәсендәге иҗтимагый контроль региональ үзәге башкарма директоры Дмитрий Романов һәм үзәк юристы Зоя Куклина үткәрәчәк.

Дәресләрдә түбәндәге темалар кузгатылачак: «Милекче һәм аның хокуклары», «Бина милекчеләренең гомуми җыелышы. Күпфатирлы йортта гомуми милек. Күпфатирлы йорт советы һәм аның рәисе», «Торак һәм коммуналь хезмәтләр», «Күпфатирлы йорт белән идарә итү ысуллары», «Коммуналь ресурсларны куллануны исәпкә алу. Энергияне саклау. Счет-фактурадагы түләүләр», «Юридик практика», «Торак законнарындагы үзгәрешләр».

Укулар тәмамлангач, курс тыңлаучыларына сертификатлар һәм методик буклетлар бирәчәкләр. Дәресләрдә урыннар саны чикле. +7(843)236-29-97 телефоны буенча язылырга мөмкин. Дәресләр «ПрофСтандарт» укыту үзәгендә Шуртыгин ур., 22 адресы буенча үткәреләчәк.

Шулай ук укыгыз

Барлык яңалыклар