Казанда сезонлы бакчачылык маршрутларының эше 1 ноябрьдә тәмамлана

Бакчачылык сезонында автобуслар билгеләнгән юнәлештә барлыгы 720 меңнән артык тапкыр хәрәкәт иткән.

(Казан шәһәре KZN.RU, 28-нче октябрь, Алена Мирошниченко). 1-нче ноябрьдә бакчачылык ширкәтләренә кадәр автобусларның сезонлы маршрутлары ябыла, дип хәбәр итте бүген эшлекле дүшәмбе вакытында Транспорт комитеты рәисе Айдар Габделхаков.

30-нчы апрельдән 1-нче ноябрьгә кадәр иң кирәкле юнәлешләр буенча 16 уңайлы, түбән идәнле автобус хәрәкәт итә. Бакчачылар җәмәгать транспортында Станцион Дәрвишләр, Ерак Бакчалар, Яңа Шигали, Жиркомбинат, шулай ук «Крутушка» һәм «Текстильщик» бакчачылык ширкәтләренә кадәр бара ала. А.Габделхаков ассызыклаганча, автобуслар аз хәрәкәтләнүче халык төркемнәрен йөртү өчен, шул исәптән өлкәннәр өчен дә җайлаштырылган.

«Шәһәр чикләрендә бердәм айлык социаль йөртү билетлары буенча ташламалы йөрү мөмкинлеге бар. Бакчачылык сезонында барлыгы 720 меңнән артык тапкыр бару оештырылган. Быел һава торышы да бакчачыларга барлык эшләрне төгәлләргә мөмкинлек бирде, һәм 1-нче ноябрьдән без сезонлы бакчачылык маршрутларының эшен туктатабыз», – дип хәбәр итте Транспорт комитеты рәисе.